冰川，又叫冰河，係一種由冰構成嘅河。冰川通常都好持久，靠地球引力慢慢郁。因為冰好硬，同地面有好大磨擦，足以改變地型。冰川嘅冰，喺地球係第二大水來源，排響海之後；如果單係睇淡水，佢重係最大來源㖭[未記出處或冇根據]。冰川邊個大洲都有，連澳洲都有。冰川嘅冰可以講係永久，冚響上面雪，最後畀其他新雪壓到實一實。
瑞士一條冰川
冰川可以做成獨有嘅地貌，佢同地面磨擦，令到岩石磨到變石頭，有好多碎石，磨到山谷個切面都變做兜（U）。冰川會帶埋下面嘅石一齊行，所以佢前後左右都係碎石堆。冰川頭因為天氣熱，啲冰會溶，所以會睇氣溫伸縮。幾條冰川頭一齊重會做成圓型谷。
阿根廷佩里托莫雷諾冰川
