北京四通橋抗爭係喺2022年10月13日發生喺北京市四通橋上面嘅公民抗命事件。喺嗰日，有一個抗爭者喺條橋上面燒咗個車軚吸引人注意，然後掛起咗兩條橫幅（“不要核酸要吃饭 不要封控要自由 不要谎言要尊严 不要文革要改革 不要领袖要选票 不做奴才做公民”以及“罢课罢工罢免独裁国贼习近平”），仲用大聲公嗌口號，指責中共總書記習近平搞獨裁，係賣國賊，有人拍片擺上網。
事發地點北京四通橋
事後，條片喺微博上面廣傳，有啲網民稱呼嗰啲抗爭者做英雄，亦有人留言話「我看到了」（粵文：我睇到喇），嗰條片已經畀微博官方刪咗，但係依然可以喺Twitter上面搵到。
