北滘

北滘（粵拼：bak1 gau3；英文：Pak Kau／Beijiao）係喺廣東順德東北部嘅一個鎮，位于广州主城区、佛山新城同埋顺德主城区三个城市嘅交汇处。以前叫做百滘（粵拼：baak3 gau3），解做「百河交錯、水網密集」。北滘镇建制于1959年，個鎮有92平方公里咁大，總共有19條村或者社區、10個居委會同10個村委會。北滘镇係“全國特色小城镇”、“全國重点镇”、“中國家電製造業重鎮”嚟嘅，並且荣获咗“2019年中國百强乡镇第18名”。

行政區劃

依家嘅北滘鎮總共有10個居委會同10個村委會，佢地分別係：

北滘社區、碧江社區、林頭社區、廣教社區、三洪奇社區、槎涌社區、碧桂園社區、順江社區、​君兰社區、黃龍村、​莘村、​水口村、​馬龍村、​上僚村、​西滘村、​高村、​桃村、​西海村同三桂村。

交通

廣珠西線（太澳高速）、佛山一環兩條主幹道都經過北滘。至於城際鐵路，廣珠輕軌都經過北滘，喺鎮入面有兩個站，分別係北滘站同碧江站。

地鐵方面，喺北滘鎮内有廣州地鐵7號綫同佛山地鐵3號綫兩條經過嘅綫路，並沿途設有多個地鐵站。

• 廣州地鐵7號綫：美的站、北滘公園站同美的大道站。
• 佛山地鐵3號綫：潭州會展站、北滘西站、高村站、北滘公園站同广教站。

人口

呢個鎮嘅常住人口總共有26萬人，戶籍人口就有12萬人。

名譽

2019年，北滘攞到中國百強鄉鎮第18名。