十二銅表法

十二銅表法（拉丁文：Lex Duodecim Tabularum），係古羅馬喺大約公元前450年制定嘅法律，因為據傳說講內容係刻喺12塊銅牌（亦有人講係木牌）度，所以得名。

公元前454年，羅馬元老院被迫承認咗人民大會制定法典嘅決議，設置法典編纂委員10人，並派人去希臘考察法制，喺公元前451年制定法律十表，第二年又補充咗兩個表。呢個就係著名嘅「十二表法」。因為各個表係由青銅鑄成，習慣上就叫做「十二銅表法」。呢個係古羅馬第一部成文法典。公元前390年，高盧人入侵羅馬，喺呢場仗度銅表全部被毀，原文散佚，而家祗能夠由其他古代著作度去睇。