參與式設計

參與式設計caam1 jyu5 sik1 cit3 gai3（英文：participatory design）係設計上會用到嘅一種方法，亦可以係設計研究一種，顧名思義重點在於「畀啲持份者參與設計過程」。

參與式設計同一般嘅設計做法一樣，以「設計出一件似樣嘅產品」做最終目標。喺參與式設計當中，研究者會邀請啲持份者－例如喺遊戲設計當中，「持份者」可能包括遊戲設計團隊成員、隻遊戲嘅 fan 史同埋「未玩過呢類遊戲但有興趣」嘅人... 呀噉。設計者會一路做設計，一路畀持份者睇同試用件產品，途中一路用面試研究等嘅方法攞持份者意見，觀察持份者對件產品嘅觀感。

不過，持份者嘅角色唔淨只係對件產品有感受同埋畀意見咁簡單，佢哋仲有機會主動噉參與－設計者好多時會畀持份者有機會提出佢哋有關「件產品可以點改」嘅諗頭，會畀持份者（例如）畫一啲（業餘級數嘅）圖像嚟表達佢哋嘅諗法^[1]^[2]。