提示：呢篇文講嘅唔係
叉包。
叉燒包係一種廣東點心。做法一般係將叉燒切細粒，落埋蠔油同其他調味做餡，外面用麪粉團包住，放喺蒸籠入面蒸熟。叉燒包通常有直徑五厘米咁大，一籠通常有三個。正嘅叉燒包會用半肥瘦叉燒做餡，包皮蒸熟後軟滑得啱啱好，裂開少少露出叉燒餡，滲發出陣陣肉香味。叉燒包同乾蒸燒賣、蝦餃、蛋撻合稱為粵式茶樓嘅「四大天王」。
叉燒包
以前茶樓嘅點心師傅蒸包嗰陣會噴水喺包上面令個表面蒸出嚟平滑，但當時物資冇咁好，冇噴水嘅水壺，佢哋通常都係用人口含住水嚟噴，所以好多人食包嗰陣都會先撕咗表面嗰層薄皮。
