同2022年冬季奧林匹克運動會有關嘅問題
同2008年夏季奧林匹克運動會一樣，北京搞2022年冬季奧林匹克運動會有相關嘅問題同爭議，包括宣傳歌曲抄襲，同埋因應中國人權問題（例如中國喺香港、西藏、新疆同埋內蒙古嘅種族滅絕同非人道罪行）要求轉場同杯葛等。
宣傳歌曲抄襲
編輯今屆冬奧會由孫楠同譚晶合唱嘅歌曲《冰雪舞動》疑似抄襲咗2013年迪士尼動畫電影《魔雪奇緣》中嘅歌曲《冰心鎖》。兩首歌都用鋼琴作爲主要樂器，前奏好相似，而且都係八拍子，節奏幾乎完全相同[1][2]。
要求轉場同杯葛嘅聲音
編輯因應一啲同中國人權有關嘅爭議（例如維吾爾人嘅大清洗，香港以香港國家安全法打擊泛民主派、香港本土派陣營等），國際社會出現咗一啲要求抵制北京冬奧或者轉換場地嘅聲浪，當中有啲贊助商都被維權人士質問[3]。呢啲聲音除咗來自人權分子之外，亦有來自一啲各地政府嘅高官或者領導人[4]。
加拿大
編輯- 保守黨領袖Erin O'Toole公開表示，鑑於中國各項侵犯人權嘅罪行，針對新疆維吾爾族進行種族滅絕，打壓香港人嘅人權，又無理拘押幾個加拿大公民，中國並唔適合主辦呢場世界體壇盛事，加拿大政府亦唔應該派團去參加這種政府舉行嘅冬奧會[4][5]。
- 綠黨領導人Annamie Paul就呼籲加拿大政府支持2022年冬季奧運會轉換場地舉行，又鼓勵加國挺身而出成為替代嘅舉辦地點[4]。
美國
編輯- 7名美國參議員喺美東時間3號，以中國人權紀錄為理由，提案希望國際奧林匹克委員會撤銷北京2022年冬奧嘅主辦權，改為選擇一個承認同尊重人權嘅國家嚟主辦該運動賽事。帶頭提案嘅佛羅里達州聯邦參議員史考特（Rick Scott）提到，中國對新疆維吾爾人組織集中營進行種族滅絕、限制香港人嘅人權，又威脅台灣[6]。
- 共和黨佛州眾議員華爾茲（Michael Waltz）呼籲，國際奧會應將2022年北京冬奧地點改往其它地方。如果做唔到，拜登政府就應該抵制參賽，作為對中國侵害新疆人權嘅回應。[7]。
社運團體
編輯- 國際西藏網絡（International Tibet Network）執行主任曼迪·麥基昂（Mandie McKeown）曾經批評，國際奧委會選擇北京作為冬奧嘅場地，即係選擇咗佢哋熟知嘅惡魔[3]。
- 喺3月3號，一個包括世界維吾爾代表大會（World Uighur Congress）、國際西藏網絡在內、由180個人權團體組成嘅聯盟，針對2022北京冬奧發表公開信，呼籲世界各國領導人因中國嘅人權記錄而抵制2022年冬奧，佢哋又強調，咁樣先至可以避免各國運動員助長中國侵犯人權同打壓異議人士嘅行為[6][8]。
- 2020年12月，人權觀察去信國際奧委會主席巴赫，話中國政府喺新疆同香港等地嘅鎮壓行動，對佢哋主辦2022年冬奧不利，又話中國嘅人權環境自2008北京奧運會以嚟明顯惡化[9]。
- 自由之家（Freedom House）表示，就算冬奧會按計劃舉行，政府官員、文化人士同贊助商都應該拒絕出席[10]。
- 美籍香港本土派社運人士邵嵐連同美籍藏人Tesla Zoksang喺2021年10月17號，喺雅典衛城嘅棚架，掛起西藏嘅「雪山獅子旗」同埋印有「光復香港，時代革命」嘅旗幟，呼籲杯葛呢次冬奧。邵嵐話，國際奧委會授予中國政府舉辦冬奧，係喺度傳遞對中國喺香港、西藏、東突厥同埋南蒙古嘅種族滅絕同非人道罪行瞇埋眼當睇唔到嘅信息，國際社會必須團結一致杯葛2022北京冬奧[11]。
宗教團體
編輯反對轉場同杯葛嘅聲音
編輯美國
編輯美國奧林匹克與殘疾人奧林匹克委員會响2021年2月發表聲明，話美國奧委會反對杯葛冬奧會，因為事實證明，咁樣將會對選手產生負面影響，而唔能夠有效處理全球問題。
加拿大
編輯加拿大奧林匹克委員會主席翠絲史密夫（Tricia Smith）話，加拿大奧委會對中國大陸而家發生嘅一些嘢有所擔心，但佢話杯葛冬季奧運，盞帶嚟反效果。
英國
編輯英國奧林匹克協會表示，唔相信杯葛冬奧係正確嘅解決方法，重話運動員努力訓練只為參賽一刻，應該畀運動員代表國家出賽，佢哋又以杯葛1980莫斯科奧運會嘅做法為例，證明杯葛北京冬奧嘅做法行唔通，唔止令到運動員受到懲罰，亦唔可以解決政治問題。
澳洲
編輯澳洲奧林匹克委員會主席莊高迪斯（John Coates）曾經响2020年10月向澳洲參議院外交、國防和貿易委員會提交咗一份24頁嘅信件，佢响封信話澳洲奧委會反對杯葛2022年北京冬奧，並反對任何會令呢個組織一切活動受到限制嘅修正案。
賽事判罰問題
編輯喺男子1000米短道速滑賽事，有中國選手任子威、李文龍同武大靖參加。過程中由半準決賽到決賽都有本來係晉級嘅外國選手俾人用唔同理由取消資格，其中喺準決賽，南韓選手黃大憲同李俊瑞都由晉級變出局，代表隊向奧委會提上訴被駁回。最終任子威、李文龍包攬金銀牌。事件引發中韓外交風波。[14]不過之後嘅男子1500米短道速滑，任子威喺準決賽因為犯規被判出局，而黃大憲最後攞到金牌。[15]
而喺女子500米短道速滑半準決賽，中國選手范可新被影到，將場上路綫標示物推向對手，整跌咗佢，就冇被判犯規。[16]
選手國籍議題
編輯生於美國，歸化中國（大陸）而身為中國隊一員比賽嘅朱易，喺場上嚴重失誤，網上跟住出現大量對朱易身分同參賽資格嘅批評，亦有話中共運動員選拔制度對本地人唔公道嘅質疑。[17]大陸多個社交媒體平台隨即大量刪除此類評論，又封鎖咗好多相關户口，中共官方亦反駁此類言論，為朱易同該國運動體制講好話。[18]
谷愛凌被揭發，無放棄出世時得到嘅美國國籍。[19]由於中共法例唔准中國國籍（大陸區域）嘅人擁有外國國籍，而奧運規則禁止冇某國國籍嘅運動員代表該國出賽，因此谷愛凌以中國隊身分比賽，證明咗佢理論上犯咗中共法例，然而實際上冇／未被追究。[20]大陸官方甚至對此人嘅身分（含糊其辭）同比賽成績大肆公開表揚。[21]谷愛凌喺網上被問及點解佢可以喺大陸境內，用到防火長城正常會禁用嘅互聯網平台發布消息，答咗啲違背中共立場以及不乎現實情況嘅嘢，惹嚟對佢個人及中共嘅法律同政治類批評。[22]
雜項
編輯彭帥被性侵犯疑雲，喺運動會舉辦之前冇幾耐出現，引嚟外間對中共迫害運動員及女人嘅嚴厲指控。[23][24]可能之罪魁禍首張高麗，同埋得到中共官方獨家消息，再向外界轉述，聲稱件事無大不了，以及彭帥安然無恙嘅湯馬士巴哈，都係運動會關鍵事務人物，國際輿論因此相提並論並且踴躍跟進，相關嘅抗議中共活動亦喺多個西方國家湧現。[25]
喺運動會開始之前冇幾耐，有人喺網上發表〈客觀評價習近平〉一文，以約四萬一千字對習近平大肆批評，引起中外傳媒唔少迴響；有意見認為係中共黨內政治角力嘅一部分，揀呢個時間並非偶然；有篇字數約一萬七千嘅〈客觀評價薄熙來〉與之一齊出現，對薄熙來讚頌有加。[26][27][28][29][30][31][32]
參考
編輯- ↑ Didi Kirsten Tatlow (3 August 2015). "To Some, Beijing Olympics Song Is Suspiciously Similar to Ballad From Disney's 'Frozen'". The New York Times. 原先內容歸檔喺2015-08-08. 喺5 August 2015搵到.
{{cite news}}: Cite has empty unknown parameter:|dead-url=(help) - ↑ Jiang, Steven (4 August 2015). "Is China's 2022 Winter Olympics song too much like 'Frozen's' 'Let It Go'?". CNN. 原先內容歸檔喺2015-08-07. 喺5 August 2015搵到.
{{cite news}}: Cite has empty unknown parameter:|dead-url=(help) - ↑ 3.0 3.1 〈抵制聲浪下，2022年北京冬奧會贊助商將如何抉擇？〉。原著喺2021年3月4號歸檔。喺2021年3月4號搵到。
- ↑ 4.0 4.1 4.2 Staff, Reuters (2021-02-17)。〈2022年北京冬奥改变举办地点呼声逐渐升温〉。Reuters (中文)。原著喺2021-02-25歸檔。喺2021-03-04搵到。
- ↑ 〈斥中共犯下種族滅絕罪 加保守黨領袖促冬奧會換址〉。《希望之聲 www.soundofhope.org》 (臺灣中文)。2021-02-16。喺2021-03-04搵到。
- ↑ 6.0 6.1 〈2022北京冬奧倒數一年 180個組織抵制中國主辦 | 中國〉。《新頭殼 Newtalk》 (中文)。2021-02-04。喺2021-03-04搵到。
- ↑ 自由時報電子報 (2021-02-21)。〈籲2022年北京冬奧換地點 美眾議員：中共不應享有舉辦奧運的殊榮 - 國際〉。《自由時報電子報》 (中文)。喺2021-03-04搵到。
- ↑ "#NoBeijing2022 – JOINT OPEN LETTER TO GOVERNMENTS: URGENTLY COMMIT TO A GOVERNMENT BOYCOTT BEIJING 2022" (英國英文). 原著喺2021-03-03歸檔. 喺2021-03-04搵到.
- ↑ 〈北京冬奧會2022：倒計時一週年，我們能期待什麼？〉。《BBC News 中文》 (繁體中文)。喺2021-03-04搵到。
- ↑ Myers2021年2月22日, Steven Lee (2021-02-22)。〈面臨抵制冬奧呼聲，中國人權問題可能改善嗎？〉。《紐約時報中文網》 (中文)。喺2021-03-04搵到。
- ↑ 〈【北京冬奧】邵嵐雅典掛「光時」旗被捕 「心與香港同胞同在」〉。Radio Free Asia (英文)。喺2021-10-18搵到。
- ↑ 自由時報電子報 (2022-01-02)。〈聲援新疆 全球伊瑪目理事會聲明：抵制2022北京冬奧 - 國際〉。《自由時報電子報》 (中文)。喺2022-01-03搵到。
- ↑ 〈全球伊瑪目理事會否認接受環球時報採訪〉。《RFI - 法國國際廣播電台》 (繁體中文)。2022-02-03。喺2022-02-04搵到。
- ↑ 〈北京冬奧｜匈牙利男將衝線後被罰犯規 中國隊任子威短道速滑1000米封王〉。明報。2022年2月7號。
- ↑ 〈韓兩將取消資格釀外交風波 中使館斥煽動反華情緒 韓將1500米奪金為DQ吐烏氣〉。明報。2022年2月10號。
- ↑ 〈北京冬奧︱中國首金得主被指故意推標誌物 對手摔倒自己也遭殃〉。香港01。2022年2月9號。
- ↑ 〈中国归化女选手失误遭网暴 官方紧急降火 | 早报〉。www.zaobao.com.sg (簡體中文)。喺2022-02-15搵到。
- ↑ ETNet。〈【北京冬奧】微博、抖音清理網絡欺凌冬奧選手言論，籲尊重運動員-新聞-ET Net Mobile〉。ETNet。喺2022-02-15搵到。
- ↑ 〈谷愛凌國籍爭議》美國棄籍名單上沒有她 中國是「歸化美國」第五大國〉。www.cmmedia.com.tw。喺2022-02-15搵到。
- ↑ 〈谷爱凌：中美博弈下的北京冬奥滑雪女将〉。《BBC News 中文》 (簡體中文)。2022-02-08。喺2022-02-15搵到。
- ↑ 〈中国是否对谷爱凌的双重国籍问题视而不见？〉。www.abc.net.au (中文)。2022-02-14。喺2022-02-15搵到。
- ↑ 普利森, PollySam (2022-02-13)。〈北京冬奧︱谷愛凌玩IG被網民質疑有特權 回覆竟公然教人「翻牆」〉。《香港01》 (香港中文)。喺2022-02-15搵到。
- ↑ Gay, Jason。〈彭帅的勇气和待解的谜团〉。《华尔街日报中文网》 (中國中文)。喺2022-02-15搵到。
- ↑ Gay, Jason (2021-11-22). "On Peng Shuai, and What Courage Looks Like". Wall Street Journal (美國英文). ISSN 0099-9660. 喺2022-02-15搵到.
- ↑ Welle (www.dw.com), Deutsche。〈巴赫何时会彭帅？IOC守口如瓶 | DW | 06.02.2022〉。DW.COM (中國中文)。喺2022-02-15搵到。
- ↑ 〈4萬字長文批習近平 反習大作遍傳海內外 | 兩岸 | 中央社 CNA〉。www.cna.com.tw (中文)。喺2022-02-14搵到。
- ↑ 〈《客观评价习近平》惊人预言 冬奥期间引关注〉。Radio Free Asia (英文)。喺2022-02-14搵到。
- ↑ 〈"反習勢力最新重磅炸彈"？ 《客觀評價習近平》長文引發各界議論〉。《美國之音》。喺2022-02-14搵到。
- ↑ 〈留园网-客观评价薄熙来（一万七千字，慎读） -6park.com〉。club.6parkbbs.com。喺2022-02-14搵到。
- ↑ 〈留园网-客观评价习近平（四万字，慎读）上 -6park.com〉。club.6parkbbs.com。原著喺2022-02-14歸檔。喺2022-02-14搵到。
- ↑ 〈留园网-客观评价习近平（四万字，慎读）中 -6park.com〉。club.6parkbbs.com。原著喺2022-02-14歸檔。喺2022-02-14搵到。
- ↑ 〈留园网-客观评价习近平（四万字，慎读）下 -6park.com〉。club.6parkbbs.com。原著喺2022-02-14歸檔。喺2022-02-14搵到。