吳奇壎

吳奇壎係東華三院學務總主任，有時會代表東華三院嘅教育工作會見傳媒，亦因為東華三院旗下多間學校入面嘅校園欺凌事件，而得到傳媒一啲嘅關注。佢1966年喺創與興書院幼稚園部畢業。

教育生涯

佢曾經做過佛教善德英文中學嘅校長，亦做過香港中文大學校友校長會第一屆主席。喺佛教善德英文中學離任之後，佢喺2004年去咗林大輝中學做校長，直至2011年離任。

政治立場同爭議

佢係香港親中派支持者，曾經公開讚賞備受假新聞爭議嘅《大公報》。

處理東華三院旗下學校校內投訴而備受爭議

2019年，東華三院李東海小學教師林麗棠喺校內墮樓身亡，引起唔少社會關注，有唔少報導提及林麗棠當時收到校長羅婉儀嘅欺凌。林麗棠生前曾經向東華三院總部投訴，但吳奇壎嘅下屬就接見林麗棠前後均有致電羅婉儀，而林麗棠並唔係唯一一個被校長欺凌嘅老師。事後，吳奇壎承認投訴制度唔健全，自己未有意識問題嚴重。雖然事後東華三院有所跟進，但就有評論認為，呢啲都係以林麗棠嘅性命換返嚟。

製作被指抹黑香港社運人士教材

東華三院喺2020年底推出《國安教育參考資源套》，由吳奇壎做顧問，一面倒緊隨官方嘅說法，話2019－2020年反修例運動等事件係企圖分裂國家、顛覆政權同埋進行恐怖活動，又話北京政府有急切性繞過香港推行《香港國安法》。有學者就批評，分裂國家、顛覆政權、進行恐怖活動等指控，根本毫無證據，反而國安法成為咗當權者鎮壓人民權利嘅工具，而呢套教材內容就好偏頗。