孫皓(皓讀浩,粵拼syun1 hou6242年284年),字元宗jyun4 zung1),係中國三國時代東吳嘅第四任(最後一任)君主,喺264年280年在位。佢係吳大帝孫權第三仔,即係廢太子孫和(吳文帝)嘅大仔。

永安七年(264年),前任皇帝吳景帝孫休以30歲英年早逝。嗰陣時蜀漢啱啱亡咗,再加上交阯發生叛亂,東吳內部震驚,想立一個年紀大一啲嘅君主,於是擁立咗佢做皇帝。孫皓即位之後,追諡阿爸做文皇帝,尊佢阿媽何氏做太后。

孫皓啱啱開始做皇帝嗰陣時,下令撫恤人民,又開倉振貧、減省宮女同埋放生宮入便多餘嘅珍禽異獸;但係好快佢就變到粗暴驕盈、暴虐治國,又好酒色,搞到民心喪盡。279年西晉內部達成咗打東吳嘅一致意見,結果280年建業失守,東吳亡咗,孫皓本人都做咗俘虜。孫皓歸晉之後,賜號為歸命侯gwai1 ming6 hau4),住喺洛陽。四年後過身。

睇埋 編輯