周梓樂墮樓案

周梓樂命案係指2019年香港科技大學計算機科學及工程學系學生周梓樂（英文：Chow Tsz Lok Alex）疑似遭到香港警察謀殺嘅命案，2019年11月4號凌晨反送中運動示威期間，有人喺新界將軍澳廣明苑隔籬嘅尚德停車場2樓發現重傷昏迷嘅周梓樂，周梓樂被送往伊利沙伯醫院搶救，延至8號朝早8點不治，終年22歲^[1]。事件引起香港社會高度關注，連香港政府都聲稱惋惜^[2]。由於案件疑點重重，再加上香港警察喺呢單案嘅處事手法極為可疑，令人質疑周梓樂實際上係因為參與反送中運動而遭到香港警察謀殺，再偽裝成墮樓意外。