周祖謨
周祖謨（謨讀無，粵拼：zau1 zou2 mou4；1914年11月19號—1995年1月14號），字燕孫（jin1 syun1），係中國嘅語言學者。
| 周祖謨 | |
|---|---|
| 出世 | 1914年11月19號 中國北京 |
| 死 | 1995年1月14號 中國北京 |
| 國籍 |  中華民國 中華人民共和國 |
| 職業 | 語言學家 |
生平
編輯1932年入學北京大學，1936年畢業。畢業論文係《篆隸萬象名義中之原本玉篇音系》（《問學集》收錄），同同時期河野六郎嘅畢業論文一樣攞同樣嘅題材。畢業後佢就職喺南京嘅中央研究院歷史語言研究所，1937年返北平（北京）見屋企人，咁啱抗日戰爭爆發，因爲噉滯留喺北平，於是去輔仁大學教書。
戰後嘅1947年就任爲北京大學中文系嘅副教授（1950年做教授）。中華人民共和國成立後亦繼續喺北京大學教書。
主要著作
編輯《漢魏晉南北朝韻部演變研究》（同羅常培共著，科學出版社，1958年）根據押韻資料研究漢代到南北朝嘅音韻變化，原本預定全四冊，但只出版咗第一分冊（漢代部分）。
《廣韻校本》同《廣韻校勘記》（商務印書館，1938年）[註 1]係以澤存堂本嘅《廣韻》爲元本，訂正咗錯誤而成嘅著作，而家市面賣嘅《廣韻》通常係基於呢個版本。
《唐五代韻書集存》（兩冊，中華書局，1984年），呢部著作收集咗從敦煌等地發現嘅30種切韻系韻書，解說咗後影印出版，呢部著作雖然集大成，但印刷質量非常之差。
《方言校䇳》（巴黎大學北京漢學研究所，1951年，之後科學出版社，1956年）係傳統嘅《方言》研究嘅集大成，佢收集諸多版本，做咗校勘，係部重要著作。呢類著作仲有《爾雅校䇳》（1984年）、《釋名校䇳》（《文史》47期，1998年）、《洛陽伽藍記校釋》（1956年）。
周祖謨嘅主要論文當中有15篇出版爲《漢語音韻論文集》（商務印書館，1957年），之後有含埋呢啲文章嘅《問學集》（兩冊，中華書局，1966年）。《問學集》收埋有關《切韻》成立嘅基本論文，有名嘅如《切韻的性質和它的音系基礎》。
仲有以下論文集。
- 《周祖謨語言文史論集》（浙江古籍出版社，1988年）
- 《周祖謨學術論著自選集》（北京師範學院出版社，1993年）
- 《周祖謨語言學論文集》（商務印書館，2001年）
- 《周祖謨文字音韻訓詁講義》（天津古籍出版社，2004年）
- 《周祖謨文選》（北京大學出版社，2010年）
註
編輯參攷文獻
編輯- 王紹新 (1981年)。〈周祖謨〉. 《中國現代語言學家. 1》。河北人民出版社。頁 284～292。