啟德站

啟德站（粵拼：kai2 dak1 zaam6；英文：Kai Tak Station）係港鐵屯馬綫一個地下鐵站，2020年2月14號啟用。啟德站初時訂為屯馬綫一期南行終點站。屯馬綫喺2021年6月27號全綫貫通之後，就變做中途站。站喺啟德車站廣場地底，現時所有出口，均出去廣場。

啟德
Kai Tak

啟德站2號月台
站名
中文名	啟德站
英文名	Kai Tak Station
站代碼	KAT
基本資訊
座標	22°19′49″N 114°11′58″E
車站色	橙黃色
途經路線	屯馬綫
站服務時間	0558-0105 尾班車時間
接駁交通	巴士、小巴
車站結構
月台數	1個島式月台
升降機數	3部
其它設施	其它無障礙設施
地圖

由於沙中綫將原本大磡村舊址嘅鑽石山列車停放處改喺前紅磡貨場，所以港鐵係啟德站加設側綫停放列車。另外，根據環評報告附圖睇到，啟德站北面會有一條渡綫連接兩條軌道。

車站結構

車站大堂同商店（2021年2月）

大堂

位於地下一層，原本設計有客務中心，但係投入服務之後改為智能客務中心，唔再經常有職員駐守，其中一面設有特大天氣顯示屏。乘客需要以視像對話機向位於金鐘嘅港鐵職員詢問。同時因應反修例運動引發連串針對港鐵嘅抗議同破壞，站內加設特別保護措施，其中八達通拍卡機以防火厚膠板覆蓋，智能客務中心嘅牆身改以聚碳酸酯製作。而鄰近A出口嘅大堂有展板介紹車站同屯馬綫‎資料，售票機旁亦都有吉祥物「鐵仔」嘅互動投影裝置。

月台

有一個島式月台，以橙黃色為主色調，月台牆身鋪設嘅焗漆板印有地鐵公司退休建築師區傑棠書寫嘅站名書法大字，係首批非屬於原地鐵系統而印有書法字嘅車站。而月台漆版會有同啟德機場或者飛機駕駛室有關嘅設計。

車站樓層

G	地面	出口
L1	大堂	智能客務中心、車站商店、會員服務站、洗手間
L2 月台	屯馬綫側綫	畀列車停泊，唔對外開放
		路軌
		往屯門
	島式月台，左邊嘅車門將會打開
		往烏溪沙
		路軌

商店

車站合共有10間商店，其中香港置業有兩個舖位。其中已經開業嘅商店包括OK便利店、HKTVmall、原味家作、唐包點、爭鮮、山崎麵包、恒生銀行自動櫃員機同食家優惠店等。

出入口

設有4個出入口，其中A出口通道喺2020年4月尾起設「啟德回憶︰1925-1998」展覽，展出超過30張同啟德機場相關嘅歷史圖片同海報。而D出入口天幕有藝術品。

• A - 啟晴邨
  • 啟晴邨、晴朗商場、機電工程署總部大樓、德朗邨多層停車場、宏天廣場、九龍灣公園、啟德車站廣場、煥然壹居、啟業邨、嘉匯、啟朗苑、啟德1號（I）、麗晶花園、德朗邨、天寰、保良局何壽南小學、聖公會聖十架小學、文理書院（九龍）
• B - 沐元街
  • 沐元街、啟新道、Mikiki、越秀廣場、友邦九龍金融中心、啟德社區會堂、東啟德遊樂場、東啟德體育館、東九龍總區總部、柏立基分科診所、景泰苑、采頤花園、譽·港灣、天主教伍華中學
• C -AIRSIDE
  • AIRSIDE、稅務中心、工業貿易大樓、譽·港灣、啟欣苑、地下商店街（仲起緊）
• D - Oasis Kai Tak
  • Oasis Kai Tak、龍譽、啟德1號（II）、高飛里北、高飛里南、振翅里北、尚·瑧溋、嘉峯匯、THE HENLEY、MONACO、MONACO ONE、啟德體育園（原本係2023年年底開慕嘅，延至2024年下半年開幕）

鄰接車站

	屯馬綫
屯門南 - 第16區 - 屯門 - 兆康 - 洪水橋 - 天水圍 - 朗屏 - 元朗 - 錦上路 - 荃灣西 - 美孚 - 南昌 - 柯士甸 - 尖東 - 紅磡 - 何文田 - 土瓜灣 - 宋皇臺 - 啟德 - 鑽石山 - 顯徑 - 大圍 - 車公廟 - 沙田圍 - 第一城 - 石門 - 大水坑 - 恆安 - 馬鞍山 - 烏溪沙

• 
  A出口行人隧道（2020年2月）
• 
  B出口行人隧道（2020年2月）
• 
  C出口預留位置，現時被牆身遮蓋，連接未來通去新蒲崗嘅地下街（2020年2月）
• 
  D出口天幕藝術品（2020年2月）
• 
  啟用前嘅1號月台全景圖（2020年2月）
• 
  2號月台全景圖（2020年2月）
• 
  B出口（2020年12月）
• 
  A出口（2020年12月）
• 
  大堂（2020年12月）

車站藝術

車站有兩個藝術品，分別位於A出口行人隧道同D出口通道位置。

啟德站車站藝術概覽
圖片	藝術品	藝術家	位置	完成日期
	啟德回憶–1925-1998	鄧年威（加拿大）	A出口行人隧道	2020年2月
	時間中的地平線	伍韶勁（香港）	D出口通道	2020年2月

利用狀況

啟德鄰近啟德發展區，乘客要行15-20分鐘路程先可以去到新蒲崗。而車站周圍有幾個已經落成或仲起緊嘅項目，附近亦有公共屋邨，私人樓同學校等。所以目前用啟德站主要以附近的居民、學生以及前往工業貿易大樓、機電署大樓和同埋九龍灣商貿區北面返工人士同地盤工人。不過由於車站周圍有唔少地盤仲起緊，所以除返工放工繁忙時間外，啟德站非繁忙時間出入閘人流比較少。

車資及轉乘優惠

港鐵提供屯馬綫通車八達通車資優惠，由一期通車日（2020年2月14日）直至2022年1月1日為止，啟德站入閘或出閘，享有成人減$1及小童減$0.5優惠，啟德站亦提供綠色小巴25B轉乘優惠，乘客用成人或小童、長者等其他八達通，分別可獲扣減車費港幣1蚊同5毫。

歷史

屯馬綫一期通車日

2020年2月13號夜晚11點，已經有10幾人冒雨喺啟德站外等候通車。港鐵於2月14號早上5點20分開放其中D出口畀乘客入車站，等咗好耐嘅鐵路迷一齊衝入車站大堂，有人喺入閘機外開香檳慶祝。九龍城區議員李軒朗舉牌展示「太子站交片」標語，要求港鐵就831太子站事件交出片段釐清真相。港鐵行政總裁金澤培、總經理鄭群興及常務總監劉天成喺車站派發紀念品，包括免費車票一張、「鐵仔」散子包一個同「鐵仔」朱古力一個。特別頭班喺清晨5點45分由啟德站開出。

另一方面，因應香港當時有幾宗不滿港鐵而引發車站抗議事件，警方喺2月13號夜晚派出10架警車，有近100名警員喺站外內戒備，包括防暴警察同鐵路應變部隊。到朝早7點，仍然有幾個防暴警員喺唔同出入口駐守。而日間站內亦有警員巡邏同出入。

發現戰時炸彈

2020年7月16號，啟德站附近地盤發現戰時炸彈。為配合警方調查，啟德站暫時關閉，屯馬綫一期列車唔停啟德站，列車只維持來往鑽石山站至烏溪沙站，約每5-7分鐘一班。當日夜晚大約10點21分，鑽石山站至烏溪沙站列車服務縮減至每15分鐘一班，大圍站至烏溪沙站列車服務就維持每7.5分鐘一班。服務喺第二日朝早回復正常。

屯馬綫全綫通車

1號月台喺2021年2月16號開始用，喺屯馬綫全面通車前暫列作清客用途，列車喺呢個站完成清客程序後會以唔載客形式去紅磡站新月台。月台有職員負責提醒車上乘客落車，月台幕門上亦有貼紙提醒乘客應該去2號月台上車。（2021年2月）

港鐵由2021年4月起於1號月台加設設臨時圍欄防止乘客上車區去新路段各車站，並有職員駐守月台，直至屯馬綫全線通車前為止（2021年6月）

隨著屯馬綫餘下部份工程完成，屯馬綫全綫喺2021年1月底進入最後試運階段。2月16日起，屯馬綫一期列車部份時間喺啟德站1號月台清客後駛去紅磡站新月台進行日間試車，再折返啟德站2號月台。

西鐵綫同屯馬綫一期喺屯馬綫全綫通車前一星期（6月20號）起合併運作，紅磡站新月台亦同時啟用，西鐵綫列車喺紅磡站新月台清客後，會空載形式經過新起路段，之後喺啟德站以屯馬綫一期名義重新接載乘客。

2021年6月27號起，屯馬綫全綫正式通車，啟德站自此成為中途站之一。

接駁交通

• 九巴：
  • 1A、2A、2X、5A、5D、5M、11B、11D、11X、13D、14、15、16、16X、17、26、26X、27、28、29M、42、85S、85X、92R、93K、95、98C、98S、213D、296C、296P、297、293S、N213、N293
• 城巴：
  • 20、20A、22、22M、78X、608、N20
• 新巴：
  • 793、796X、N796
• 過海隧道巴士：
  • 101、107、108

相

工程期間相片
2013年8月 2015年3月 2015年7月 2017年2月 啟德站A出入口工地（2017年10月） 啟德站B出入口工地（2017年10月） 啟德站D出入口工地（2017年10月）

上一站‧下一站

上一站		港鐵		下一站
宋皇臺 往屯門		屯馬綫		鑽石山 往烏溪沙

列車班次

月台	方向	列車班次（分鐘）						頭班車	尾班車
		平日上晝 繁忙時段	平日下晝 繁忙時段	星期六上晝 繁忙時段	星期六下晝 繁忙時段	星期六 非繁忙時段	平日非繁忙時段/ 星期日及公眾假期
	往屯門	2.7-3	3.5	4.7-7.3			6.8-7.3	0608	0023
	往紅磡							0608	0043
	往烏溪沙							0612	0055

出面網頁

• 港鐵公司－啟德站街道圖
• 港鐵公司－啟德站位置圖
• 港鐵公司－啟德站列車服務時間