單光子放射電腦斷層掃描
單光子放射電腦斷層掃描（英文：single photon emission computed tomography, SPECT）係醫學診斷成像嘅方法之一。通過應用閃熠掃描，檢測啲着注入體內嘅放射性同位素發出嘅伽馬射線，並捉同位素嘅分佈製成斷層圖像。
簡單嘅水溶性放射性元素似放射性鎵離子有時都着用作標記物，但最常見嘅係摻種做標記功用嘅放射性同位素入啲化合物（配體）去，啲識佮特定組織結合埋嘅，係噉使用啲放射性配體嚟幫待觀察部位做標記。啲放射性配體佮個部位融合之後，就使伽馬射線相機捕捉啲放射性配體嘅濃度分佈。
同 PET 一樣，SPECT 係攞嚟觀察生物體啲機能嘅，對腦血管意外、心髒病、癌症嘅啲早期檢測有效。戥 PET 需要喺入藥前要臨時臨及使迴旋加速器產生啲放射性同位素唔同，SPECT 可以使啲平又易處理嘅普通放射性同位素。另一方面， PET 可以發出兩條伽馬射線（雙光子），所以 SPECT 個靈敏度低過佢、圖像唔係幾清晰而有待改進。
睇埋 編輯
 |