場記英文Script Supervisor)係電視節目電影等嘅攝製組成員之一,主要職務係喺拍攝嘅時候確保影片嘅連戲,喺每個鏡頭開拍之前打板,並註明每個鏡次(take)嘅細節,記低演員實際講出嘅台詞、動作、走位同服裝等,確保影片嘅連戲並註明實際狀況同劇本嘅出入,呢啲紀錄將成為拍攝日誌或場記表,成為剪接嗰陣時嘅重要資料[1]

職責 編輯

場記主要職責係將現場拍攝每個鏡頭嘅詳細情況:鏡頭號碼、拍攝方法、鏡頭長度、演員嘅動作同對白、音響效果、佈景、道具、服裝、化妝等各方面嘅細節同數據詳細、精確噉記入場記單度。由於一部影片係分割成多個場景同幾百個鏡頭進行拍攝嘅,拍攝嘅時候唔能夠按鏡頭順序進行,因此,場記所做嘅記錄有助於影片各鏡頭之間嘅銜接,為導演嘅繼續拍攝同埋補拍、剪接、配音、沖印等提供準確嘅數據同資料。場記最重要嘅任務係協助導演合理規劃鏡頭,防止穿崩、越軸等失誤出現。影片完成之後,呢啲記錄亦可以畀製作後期配音劇本或字幕用。

睇埋 編輯

參考 編輯

  1. 家電影及視聽文化中心 - 場記. 原著喺2021年9月3號歸檔. 喺2021年9月10號搵到.