墨西哥灣

墨西哥灣（粵拼：mat3 sai1 go1 waan1，英文：Gulf of Mexico）係北美洲東南面嘅一個大海灣，喺美國嘅佛羅里達半島，墨西哥嘅尤卡坦海峽同古巴島之間嘅位。成個海灣好似個橢圓形噉。呢個海灣係繼孟加拉灣之後嘅世界第二大海灣，入面有密西西比河流入呢個海灣。

性質編輯

呢個海灣嘅東西邊有1,609公里咁長，南北邊有1,287公里咁長，面積有15430000平方公里咁大。

海灣嘅平均深度有1432米，最深嗰度有3789米咁深。

由於個海灣喺熱帶同亞熱帶之間嘅位，佢幾乎同出面嘅海隔開嗮，所以水嘅溫度比較高。夏天去到29℃，冬天都有20℃到。

因為海灣嘅東南邊有條墨西哥灣暖流經過，所以附近嘅氣候都比較暖下。但係呢度嘅天氣超差，成日都刮大風，尤其喺夏天差唔多秋天嗰陣，呢度成日刮超勁嘅颶風。

呢個海灣附近有兩個海峽可以通去大西洋嗰邊，分別係佛羅里達海峽同尤卡坦海峽。

呢度寫嘅係墨西哥灣附近嘅港口：

呢個海灣嘅西北邊嘅大陸架度收埋咗由好豐富嘅石油、天然氣同硫磺響度。而家啲美國佬成日都嚟呢度大量噉攞啲石油。