夏侯霸

三國人

夏侯霸粵拼haa6 hau4 baa3;約186年前─256年至259年間),字仲權zung6 kyun4[1]三國時期魏國嘅武將,後尾投降蜀國。佢係魏國將軍夏侯淵嘅二仔,佢阿媽係曹操老婆嘅妹妹[2]司馬懿發動高平陵之變後,夏侯霸投靠蜀漢,官至車騎將軍。佢曾經跟隨蜀將姜維北伐,死後仲被蜀漢追諡,但諡號失考。

夏侯霸
XiahouBa.jpg
後世嘅夏侯霸畫像
蜀漢 車騎將軍
勢力 曹魏蜀漢
186年前
256年後
老豆 夏侯淵
遞啲名
仲權

生平

曹魏時期

夏侯霸係魏將夏侯淵嘅仔,佢老豆喺定軍山之戰戰死,佢因此好憎蜀漢[3]。黃初年間(220年至226年),夏侯霸喺曹魏官至偏將軍,封關內侯[4][5]。230年,曹真行子午谷攻打蜀漢,以夏侯霸為先鋒。夏侯霸喺興勢俾蜀軍圍攻,佢親自上埸,直到援軍嚟到救佢[6]。239年,魏明帝曹叡託孤曹爽同埋司馬懿,曹爽重用夏侯霸,夏侯霸被任命為討蜀護軍、右將軍,進封博昌亭侯[7]。247年,魏國嘅隴西、南安、金城、西平等地嘅羌族阿頭餓何、燒戈、伐同、蛾遮塞等人作反。佢哋嘅作反引嚟咗蜀將姜維嘅北伐,涼州胡人阿頭治無戴亦都支持叛變。夏侯霸嗰時喺為翅屯兵,雍州刺史、前將軍郭淮認為姜維一定會攻打夏侯霸,於是佢先到渢中,跟住南下,去支援夏侯霸先。姜維帶兵攻打為翅嘅夏侯霸部隊,佢見到郭淮軍走嚟支援夏侯霸,於是選擇咗撤退[8]

投奔蜀漢

司馬懿發動高平陵之變將曹爽殺咗,之後仲迫害曹氏同埋夏侯氏嘅族人。夏侯霸好驚畀清算,加上佢原嚟嘅阿頭,侄仔夏侯玄被調離,佢又同新嘅阿頭郭淮唔啱,於是佢諗往走去蜀國避難[9][10]。夏侯霸係陰平走失,並且食晒啲嘢食,蜀國派人迎接佢[11]。夏侯霸嘅堂妹係張飛嘅老婆,佢哋個女畀後主劉禪聚咗做皇后。因為呢層關係,劉禪對夏侯霸好好[12]。之後夏侯霸喺蜀漢官至車騎將軍,仲曾經參加姜維嘅北伐[13]。《三國志》等史書喺255年嗰時仲有夏侯霸嘅事跡,但之後張翼廖化喺259年分別擔任左右車騎將軍,可見夏侯霸應該喺259年之前去世。

參攷

引用

  1. 《魏略》:霸字仲權。
  2. 《三國志·魏書九·諸夏侯曹傳》:淵妻,太祖內妹。
  3. 《魏略》:淵爲蜀所害,故霸常切齒,欲有報蜀意。
  4. 《魏略》:黃初中爲偏將軍。
  5. 《三國志·魏書九·諸夏侯曹傳》:黃初中,賜中子霸,太和中,賜霸四弟,爵皆關内侯。
  6. 《魏略》:子午之役,霸召爲前鋒,進至興勢圍,安營在曲谷中。蜀人望知其是霸也,指下兵攻之。霸手戰鹿角間,賴救至,然後解。
  7. 《三國志·魏書九·諸夏侯曹傳》:霸,正始中爲討蜀護軍右將軍,進封博昌亭侯,素爲曹爽所厚。
  8. 《三國志·魏書二十六·滿田牽郭傳》:八年,隴西、南安、金城、西平諸羌餓何、燒戈、伐同、蛾遮塞等相結叛亂,攻圍城邑,南招蜀兵,涼州名胡治無戴復叛應之。討蜀護軍夏侯霸督諸軍屯爲翅。淮軍始到狄道,議者僉謂宜先討定枹罕,內平惡羌,外折賊謀。淮策維必來攻霸,遂入渢中,轉南迎霸。維果攻爲翅,會淮軍適至,維遁退。
  9. 《三國志·魏書九·諸夏侯曹傳》:聞爽誅,自疑,亡入蜀。
  10. 《魏略》:霸聞曹爽被誅而玄又徵,以爲祸必轉相及,心既内恐;又霸先與雍州刺史郭淮不和,而淮代玄爲征西,霸尤不安,故遂奔蜀。
  11. 《魏略》:南趣陰平而失道,入窮谷中,糧盡,殺馬步行,足破,臥巖石下,使人求道,未知何之。蜀聞之,乃使人迎霸。
  12. 《魏略》:初,建安五年,時霸從妹年十三四,在本郡,出行樵採,爲張飛所得。飛知其良家女,遂以爲妻,產息女,爲劉禪皇后。故淵之初亡,飛妻請而葬之。及霸入蜀,禪與相見,釋之曰:「卿父自遇害於行間耳,非我先人之手刃也。」指其兒子以示之曰:「此夏侯氏之甥也。」厚加爵寵。
  13. 《三國志·蜀書十四·蔣琬費禕姜維傳》後十八年,復與車騎將軍夏侯霸等俱出狄道,大破魏雍州刺史王經於洮西,經眾死者數萬人。經退保狄道城,維圍之。魏徵西將軍陳泰進兵解圍,維卻住鐘題。