大細磨刀

大細磨刀，又叫大小磨刀，或大小磨刀洲，上下磨刀，磨刀洲等，英文叫The Brothers，喺香港西面洋面，大嶼山同屯門之間嘅島仔。大細磨刀指大磨刀、細磨刀，另外喺兩個中間稍南，有個匙羹洲，都歸入大細磨刀。

細磨刀，中有VOR/DME 臺

大磨刀

地理

大細磨刀喺屯門市以南，大嶼山小濠灣以北，赤鱲角以西。有石墨礦，所以舊時有石墨礦場，名五福礦場。

大磨刀響西，細磨刀響東，匙羹洲喺兩者中間稍南。

史

大細磨刀呢帶海面，大清時比較安全，所以唔少英國鴉片船都灣泊喺度。

1990年代要起赤鱲角新機場，大小磨刀畀人剷平，以免影響飛機升降。而啲沙石，就用來填海。家下該地無人住，剩低公共直升機坪同氣象臺仔。