大提琴係一種弦樂器，提琴家族樂器之一（包括小提琴、中提琴、大提琴同低音提琴）。每條弦之間嘅音程係純五度。四條琴弦由高音到低音叫一弦至四弦，音高為A3、D3、G2同C2。大提琴譜通常用低音譜號記譜；而演奏較高音域時會用次中音譜號或高音譜號[1]。大提琴除咗可以擔當獨奏之外，喺室內樂、弦樂團同管弦樂團中多數負責低音聲部。
