大良牛乳，又叫做金榜牛乳，係一種原產喺順德大良金榜村（而家金榜居委會）嘅白色圓狀薄片水牛奶製成品，順德美食之一，有「東方芝士」嘅稱號[1][2]。因為佢嘅圓片形狀，所以又叫金榜牛奶餅[1]。大良牛乳喺明朝發明，味道有啲咸，有啲甜，可以加喺粥同飯度。除咗大良，東南亞好多華人嘅聚居地都有生產[3]。
將水牛奶同醋分別㷫到暖暖地，將一羹水牛奶加1/3杯醋入面，牛奶會凝（粵拼：king4）埋，再用模壓成扁平薄片，同時將醋瀄出來。整好嘅牛乳片要放落海鹽水道浸四個鐘。
{{cite web}}
