天河汽車客運站

  「天河客運站」跳轉到呢度。想搵停地鐵嘅車站，請睇「天河客運站 (地鐵)」。

天河汽車客運站，又叫天河客運站或天河汽車站，全名叫廣州交通集團天河汽車客運站，呢間嘢係廣東省交通廳同埋廣州市人民政府為咗實施《廣州公路主樞紐總體佈局規劃》而起嘅第一個多功能綜合性嘅汽車客運站。呢個客運站係喺廣州市天河區嘅廣汕公路入面。東邊係華南快速幹線，西邊係北環高速公路。

落成時間

喺1997年1月起好同埋投入使用。喺1997年6月重成立咗「廣州新天威交通發展有限公司」呢間合資公司嚟經營天河汽車客運站。

佔地面積

面積係46000平方米，其中入面有售票廳、候車廳、快件貨運中心、超市，寫字樓、行車公寓、維修車間。

出班次流量

出班嘅車次同埋旅客流量：

• 車次：達到2500班次/日
• 旅客流量：達到120000人次/日。

主要經營

呢個車站喺廣州嘅東邊出口嘅中心車站站場，主要係經營去粵東地區（尤其係廣梅汕公路上面去汕頭、梅州、潮州、揭陽、汕尾同埋惠州嘅比較多）同埋珠三角地區、福建嘅車比較多，重有比較少部份嘅去粵西、粵北地區同浙江嘅車。重有啲車係出到廣東省以外嘅其它省份（除咗新疆、西藏、青海、內蒙古、寧夏、陝西、山西、東北三省、京津冀地區同埋臺灣）啲車。呢個站重喺成個廣東地區畀顧客提供方便、快捷、準確嘅快遞服務嘅行業入面，都係處於領先嘅地位。目前有出咗廣東省嘅省際線路就有100幾條，而廣東省嘅省內線路就有90條。

附近嘅交通

天河客運站地鐵站B出口

• 廣州地鐵3號線同廣州地鐵6號線：天河客運站
• 24條巴士線路通去四面八方

攞過嘅獎項

呢個車站係被廣州市政府畀咗「青年文明號」嘅稱呼，喺1998到2006年嘅每年都評咗「春運工作先進單位」，重被交通部畀咗「全國文明汽車客運站」嘅名。佢重喺2001年通過咗ISO9001品質管制體系認證，重喺持續推進品質體系嘅各項工作入面，攞到品質管制部門嘅好評。

出面網頁

廣州交通集團天河汽車客運站