安檢門粵拼on1 gim5 mun4),又嗌金屬探測門gam1 suk6 taam3 cak1 mun4,係種專門用嚟檢測啲人有冇帶咗金屬物品嘅探測裝置。雖然個樣似個門噉,但同普通嘅門唔同,雖然佢冇門掩,但有安保同檢查功能。

喺廣州南方人才市場大門口出現嘅安檢門

呢種門主要用嚟檢查人嘅身體究竟有冇收埋啲例如匕首炸彈地雷炮仗火柴火機等一系列易燃易爆等有毒危險性物品。喺出入境關卡亦會攞嚟查有冇帶指定國家畀定唔畀入啲可疑物品。

發展史 編輯

 
柏林機場入面啲安檢門
 
臺灣桃園國際機場入面嘅安檢門

安檢門最先喺1984年由美國事業家——查理斯·加列特一手研發出嚟[1]。佢主要整呢樣出嚟係因為1972年夏奧會就快閉幕時出咗單震驚全球嘅慕尼黑慘案,而且嗰單慘案咁啱係安保疏忽而搞成噉[1]。出咗嗰單安保教訓之後,加列特喺1984年4月整出咗呢種帶金屬探測成份嘅門好快最先喺佢嘅企業所在地——德薩斯州加蘭嘅加列特金屬探測器公司(英文Garrett Metal Detectors)入面內部使用[1]。同年同月,負責喺洛杉磯主辦嘅夏奧會安保大頭——愛德華·比斯特(英文Edward Best)拜訪咗加列特屬下嘅金屬探測器公司之後,好快將佢列入咗安保嘅第一環節因素[1]。同年喺達拉斯舉辦嘅共和黨全國代表大會亦第一時間用到加列特研發出嘅「安檢門」裝置[1]。1984奧運結束咗之後第二年,加列特又去到埃及嘅拉美西斯博覽會介紹咗佢研發啲安保裝置(包括安檢門同金屬探測儀)先至得到推廣[1]。隨後喺印第安納州印第安納波利斯舉辦嘅1987年泛美運動會英文1987 Pan American Games期間,加列特同佢啲安保人員一齊亦介紹咗同安檢門、金屬探測儀有關啲使用方法[1]。隨後呢種安全門設備亦喺之後夏奧會開始用到。1990年間亦推廣到嗰時美軍伊拉克地區發動海灣戰爭啲士兵屬下部隊用到;冬奧會亦喺1998年率先開始引入呢種安檢設備。從2002年喺釜山舉辦嘅亞運會開始,之後嗰幾屆亞運會入場睇比賽啲治安團隊亦用到呢種安檢門[1]。2003年,加列特公司亦考慮到2001年爆出嘅911事件而喺各大機場同車站等人流密集嘅地方搞呢啲安檢門嚟保障人員安全[1]。從2010年開始,FIFA世界盃亦開始引入加列特研發出嘅安檢設備[1]

應用 編輯

安檢門一般喺以下呢啲地方用得比較多[2]

生產型企業

電子產品、電線電纜、電器、金銀飾品、香煙、藥品、墨水匣、工礦、五金製品、電鍍、壓鑄造、水暖器材、貴金屬同加工等相關行業。

政府部門

公安局、檢察院、法院審判庭、監獄、拘留所、勞教所,戒毒所。

公共場所

體育館、娛樂場所、機場、火車站、汽車站、港口、展覽館、博物館、圖書館、銀行、油庫,發電站。

工作流程 編輯

安檢門嘅工作流程通常係用CPU探测,發現有組紅外被擋時,系統第一時間檢測各個采集卡數據有冇變到,若果發現有金屬響度,系統識猛咁響。跟住檢測第組紅外時會重設探測。全過程凈用0.280s[3]

編輯

  1. 1.00 1.01 1.02 1.03 1.04 1.05 1.06 1.07 1.08 1.09 Garrett History 互聯網檔案館歸檔,歸檔日期2017年10月3號,. Garrett METAL DETECTOR
  2. 安检门的详细介绍和应用领域 东莞市善安金属检测设备有限公司
  3. 金属安检门的工作原理及工作流程 美创达诚