寶漢直街
寶漢直街（粵拼：bou2 hon3 zik6 gaai1）係中國廣東廣州嘅一條內街，喺越秀區童心路東邊隔籬嘅登峰社區，南接環市中路，北接麓景西路。呢條內街係越秀區唯一一條帶有城中村味嘅內街。
兩個所謂 編輯
寶漢直街喺廣州地區有「非洲一條街」同「穆斯林一條街」嘅稱呼。
- 穆斯林一條街
1980年代，由於中國大陸實行改革開放，有好多喺寧夏同新疆、甘肅等地啲穆斯林猛咁喺小北附近做貿易，而且帶咗好多批喺阿拉伯國家啲商人。
- 非洲一條街
自從第一批非洲黑人喺1990年代尾到小北附近開舖頭做生意之後，有好多黑人陸續過嚟小北附近搞貿易。尤其1997年爆發亞洲金融風暴之後，有好多黑人搬嗮嚟小北嘅登峰社區附近住。 搞到好多本地業主都搬走嗮。