開主選單
阿歷西·尤里耶域治·尼莫夫

阿歷西·尤里耶域治·尼莫夫(俄文:Алексей Юрьевич Немов1976年5月28號—)係一位退役俄羅斯體操運動員,職業生涯一共攞到12面奧林匹克運動會獎牌,包括四面金牌

目錄

職業生涯

2000年悉尼奧運

2000年係尼莫夫第二次參加奧運會。今次佢一個人攞到6面獎牌,包括兩面金牌、一面銀牌同三面銅牌。喺男子全能決賽裡邊,尼莫夫同中國楊威展開徂激烈嘅對決,最後尼莫夫以0.113分嘅微弱優勢獲勝,贏到佢職業生涯含金量最大嘅全能金牌[1]

2004年雅典奧運

2000年悉尼奧運會之後,尼莫夫狀態開始下滑,但係俄羅斯奧委會重係決定派佢作為「穩定軍心」嘅老將出戰2004年雅典奧運會。由於尼莫夫跳馬同全能都入唔到決賽,因此男子單槓決賽就成為徂佢嘅告別演出。喺爾場男子單槓決賽裡邊,尼莫夫做出徂直體特卡切夫、分體特卡切夫、直體特卡切夫、京格爾、槓上轉身、團身後空翻兩周連續六個空翻動作,祇係落地嗰陣無企穩向前跨徂一步。但係裁判就打出令人震驚嘅9.725分,引發全場觀眾發出震耳欲聾嘅噓聲,導致比賽中斷超過5分鐘。後來裁判迫於觀眾壓力,將尼莫夫嘅得分升高到9.762分,但係由於尼莫夫重係會攞唔到獎牌,所以全場噓聲依然持續,直到尼莫夫親自出馬請觀眾安靜,啲觀眾先至安靜到落來。

由於嗰場比賽之前已經發生過幾次類似嘅打分爭議,包括之前南韓選手梁泰榮(양태영)指控裁判將佢嘅技術分打低徂,同埋美國選手保羅·咸(Paul Hamm)喺跳馬總決賽裡邊墮地照攞冠軍嘅事件,國際體操聯合會迫於壓力而對打分系統進行徂重大改革。新嘅打分系統喺2006年生效,鼓勵選手喺比賽裡邊做更高難度嘅動作,同時改進徂打技術分嘅標準[2]。雖然尼莫夫之前話過想征戰埋北京奧運,但係喺2004年雅典奧運之後佢都係退徂役,退役之前俄羅斯奧委會獎徂面象徵性嘅金牌,同埋40000美金嘅獎金畀佢[3][4]

  1. 《体操"沙皇"涅莫夫畅谈峥嵘岁月 看好08奥运杨威出彩》,新浪体育,2007年04月29日报道,2007年8月15日查阅。
  2. Emma John (7 August 2012). "London 2012: Gymnastic gold for true flying Dutchman Epke Zonderland". Guardian. 喺9 August 2012搵到. 
  3. 《奥运会不补偿国家补 涅莫夫将获体操"金牌"》 互聯網檔案館歸檔,歸檔日期2007-09-29.,中华体育总会网,2004年09月10日报道,2007年8月15日查阅。
  4. 《俄罗斯奥委会将表彰体操运动员阿列克谢·涅莫夫在雅典奥运会的表现》(Russian Olympic Committee will award gymnast Alexei Nemov for performance in Athens Olympics)》 互聯網檔案館歸檔,歸檔日期2006年3月26號,.,俄罗斯新闻网,2004年09月11日报道,2007年8月15日查阅。(英文)