平仄粵拼ping4 zak1,即係讀做噉嘅音)係漢語文學上嘅一個概念,關乎喺文言韻文當中要點樣使用聲調中古漢語嘅聲調分平、上、去、入四聲,而平仄當中嘅係指平聲係指上去入聲;而根據平仄嘅概念,一首詩歌要好聽,一定要跟從某啲平仄嘅變化規律,否則就「平仄不調」唔好聽[1][2]

根據現代語言學前嘅睇法,粵語有九聲,第一(陰平),第四(陽平)為平。其餘:陰上、陰去、陰入、陽上、陽去、陽入、中入為仄。而喺廿一世紀嘅語言學裡邊,粵語就有六個聲調,當中「一四聲而且韻尾唔係 -p、-t、-k 嘅」係平,其餘嘅係仄。

背景概念 編輯

内文:聲調

「平聲哀而安,上聲厲而舉,去聲清而遠,入聲直而促。」
—喺唐朝中國學佛嘅日本僧人空海[3]

平仄呢個諗頭據講係源於南齊(479 - 502 年)嘅。當時啲學者喺度研究語言聲調,指出中古漢語平、上、去、入四聲,當中平聲出現頻率明顯高啲,所以啲人就將上去入三種聲調統稱做仄聲;平聲顧名思義係指「平直和諧」嘅聲調,而仄聲就「有高低變化」[4];佢哋個諗法,幾似現代語言學當中嘅聲調輪廓概念。根據聲調輪廓呢個概念,搵一隻聲調語言(例如係粵語噉),隻語言會有若干隻聲調,聲調之間唔單只可以喺音高嘅高低上有差異,亦可以喺音高嘅變化規律上有差異,例如以下係粵語六聲調嘅聲調輪廓圖,打戙嗰條軸係相對音高,而打橫嗰條軸係時間[5]

 

喺第二調()當中,音高會喺一個音節當中變化,初頭大致係平嘅然後就升;而喺第一調()當中,音高就大致係高同平嘅,不過最尾嗰段會跌一跌。啲人講廿一世紀初粵語嘅平仄,第一調()同第四調()一般都畀人當做平聲,除非隻字係 -t、-p 或者 -k 做尾嘅[註 1],而非平聲嘅一般畀人當做仄聲。

詩詞應用 編輯

睇埋:舊體詩押韻

傳統上認為,一首詩歌要好聽,一定要喺聲調上跟從某啲規律:例如平聲被認為係和諧嘅,但如果一句句子入邊冚唪唥都係平聲嘅音節,句嘢聽落就會「疲軟」;而仄聲就被認為係唔和諧嘅,如果一句句子入邊太多仄聲音節,聽落就會好似「咬牙切齒」噉。

傳統上,一首舊體詩每一句嘅平仄比例都會相約,五言詩係一句五隻漢字,要三平二仄或者二平三仄先至會好聽[4];舉例說明,想像用廿一世紀初嘅粵語朗讀杜甫嘅《春望》頭嗰兩句,用阿拉伯數字標聲調—


(3)(3)(1)(4)(6)
(4)(1)(2)(6)(1)

記返起「非 -t、-p 或 -k 做尾嘅一四就係平,其餘嘅係仄」:


()()()()()
()()()()()

睇得出首詩啲平仄跟從明顯嘅規律,事實係仄仄平平仄平平仄仄平平平平仄仄仄仄仄平平五言絕句嘅基本句式[4]

中古漢語存在喺唐朝宋朝時期,後嚟蒙古人打冧咗宋朝建立元朝。喺元朝期間,中原嗰頭嘅漢語音系上出現咗明顯變化,好多中原嘅漢語方言都唔見晒啲 -t / -p / -k 尾[6]。廿一世紀初嘅標準官話已經冇晒呢啲音,例如喺標準官話入邊,呢隻漢字嘅讀音係 guó,屬陽平聲,如果《春望》頭兩句用標準官話嚟讀,啲平仄就會變成


()()()()()
()()()()()

—被指係出現咗「平仄不調」嘅情況。

睇埋 編輯

外拎 編輯

註釋 編輯

  1. 可以睇睇入聲嘅概念。

引咗 編輯

  1. (臺灣正體) 竺, 家寧. 中古的聲調. 聲韻學. 五南圖書出版股份有限公司. 1992: 353–355 [2018-12-16]. ISBN 9789571105109.
  2. (大陸簡體) 王力. 漢語詩律學. 上海教育出版社. 2002 [2018-12-16]. ISBN 9787532083251.
  3. 《文鏡秘府論 · 文筆十病得失》
  4. 4.0 4.1 4.2 瞬談唐詩 第四集:唐詩之美——體式篇(下) (PDF)
  5. 從中古四聲到現代粵語六調 (PDF),漢語研究的新貌:方言、語法與文獻
  6. 元朝周德清,《中原音韻》