廣州足球會欠薪及瀕臨解散風波
廣州足球會欠薪及瀕臨解散風波出自2021年7月因恆大集團債務危機引發,令廣州足球會出現欠薪同球會瀕臨解散嘅風波。原因係2021年7月13號,喺江蘇無錫嘅市中級人民法院批准咗廣發銀行宜興支行申請咗財產保全嘅入禀行動,裁定凍結中國恆大旗下嘅子公司——宜興市恒譽置業同埋恆大地產集團夾埋1.32億文人民幣嘅銀行存款。加上嗰時因球會中性名政策同武漢肺炎大爆發嘅三重影響,令廣州足球會面臨冇糧出同解散。
起因
編輯2021年7月13號,喺江蘇無錫嘅市中級人民法院批准咗廣發銀行宜興支行申請咗財產保全嘅入禀行動,裁定凍結中國恆大旗下嘅子公司——宜興市恒譽置業同埋恆大地產集團夾埋1.32億文人民幣嘅銀行存款。六日後,因恆大地產集團嘅資金被凍結嘅事俾多間同中國恆大有關嘅上市公司股票出現大幅下跌架勢。連中國恆大喺同日15:00(UTC+8)發佈聲明話廣發銀行宜興支行濫用財產保全嘅入禀行動[1][2]。恒大集團又喺三日後發佈聲明,話廣發銀行申請財產保全一事已妥善解決[3]。
爆出呢單嘢之後,廣州足球開始出現欠薪之事。球會諗住喺7月份內快啲嗌中國足協退返4億文嘅調節費,點知足協淨照顧中國國家男子足球隊參加2022年FIFA世界盃預選賽而冇理到廣州足球提出嘅訴求。甚至喺同年8月中旬爆出恆大集團去到「山窮水盡」嘅地步同「許家印有意解散廣州足球隊」嘅傳聞[4]。球會受到恆大集團危機波及,集團甚至一度向廣州市足協同廣東省足協求助搵下家[5],期間亦爆出恆大足校面臨停辦嘅事[6]。
經過
編輯廣州足球爆出欠薪嘅事之後,因爲隊內有艾克森、洛國富、高拉特等一系列諸如大牌球員同簡拿華路嘅名牌教練。若果半佬解約,需要賠成千萬到億身家嘅解約費用,及足校面臨解散等一系列手尾問題。好彩恆大足校喺2021年9月18號恢復返開學[7]。喺同年9月28號,廣州足球會宣佈同簡拿華路提早解除教練合同[8]。簡拿華路走佬之後,嗰時因中國足球球會包括河北華夏幸福、天津泰達、北京國安等等至少14間球會出現欠薪個案,令足協出手無策。
2021年9月21號,前恆大集團總裁——許家印喺中秋節期間講咗球會一切正常,未發生欠薪情況,不過就推遲咗集合時間[9]。
2021年10月3號,廣州足球會發出求救後,當地體育主管部門搵到職業聯盟理事會嘅高層,話會願意幫廣州隊踢晒2021年中超先至講[10]。
2021年10月23號,有間沙地阿拉伯財團諗住收購廣州隊嚟繼續維持生意[11][12],但足協主席陳戌源話唔得[13][12]。
2021年11月12號,高拉特本人宣佈咗提早同廣州隊解約,返到巴西踢波[14][15]。亦爆出咗廣州隊嘅歸化外援唔去參加2021年中超入面淨低啲賽事[16]。
2021年11月18號,廣州隊因冇晒糧出,球會亦冇提供基地,結果由鄭智帶隊嚟自發訓練[17],而參加2021年中超後半階段嘅比賽資金問題喺第二日得到解決[18]。
2021年11月22號,由於同城足球會——廣州城爆出欠薪兩個月嘅醜聞,亦傳出廣州同廣州城兩足球會合併嘅事,不過兩間喺廣州嘅同城足球會都出面話冇噉嘅事[19]。
2021年12月7號,廣州隊正式委託鄭智做足球隊嘅主教練,當日廣州市體育局亦開始支持廣州隊繼續踢嗮2021年中超淨低啲賽事[20]。而艾克森同阿蘭·卡華路返咗去巴西踢波,唔再繼續參加中超淨低啲賽事。
2021年12月9號,足球會管理層開咗個特別會議,話明拖咗嘅糧一定會出返,重同班隊員簽咗個補充協議,確保絕對唔會出現類似2021年初江蘇蘇寧解散嘅事[21]。同日廣州足協將推動國企入主廣州隊繼續踢波,重喺下個賽季出5億文嚟贊助波隊[22]。
2021年12月13號,廣州足球會啲隊員開始重新集結,繼續踢埋2021中超淨低嘅賽事,不過艾克森打算呢個賽季唔再返中超踢波[23]。
隨住好多大牌波手同外援嘅合同到期同外援提早走佬,喺2021年12月27號晏晝嘅廣州市第十二黨代表會入面,廣藥集團準備重新接手廣州隊搞足球業務[24][25]。
2022年1月3號晏晝,恆大集團總裁許家印發佈聲明,話「恆大唔會退出廣州足球」[26][27]。即係下個賽季重係由恆大嚟揸Fit,而之前傳言話嘅廣藥集團同廣汽集團都冇可能接手球會[26]。
2022年1月7號,由於廣州足球會嘅股權改革重未搞掂,梅方本人因同廣州隊簽約嘅合同期滿而宣佈同廣州隊解約,返到湖北踢波[28]。
2022年1月11號晚黑,鄧涵文本人因同廣州隊簽約嘅合同期滿而宣佈同廣州隊解約,返到湖北踢波[29]。
2022年1月17號,廣藥集團喺招聘網站發佈招收足球管理人才而引發外界關注,以為廣藥集團會接手廣州隊嘅諗法[30]。而廣汽集團有關負責任話有啱嘅機會,會以啱嘅形式接手廣州足球[30]。
2022年1月20號,有傳言話廣藥集團好有可能會接手廣州足球會,令恆大集團出現究竟揀保留小部份股份定全面退出中國足壇嘅講法[31]。
2022年2月9號,恆大集團宣佈唔會退出廣州足球會嘅贊助[32][33]。
2022年2月16號,球會宣佈嚴格限薪標準,限制最高年薪喺CNY¥600,000以內[34];重全面宣佈使用恆大足校嘅人才嚟踢波及一線隊¥60,000起薪[35]。即意味住恆大嘅金元足球時期正式結束。
2022年2月19號,球會出現咗波星離隊潮,其中女足隊員張琳艷宣佈離開廣州足球[36][37]。而男足嘅艾克森、洛國富、高拉特等一系列諸如大牌外援亦都宣佈劈炮走人。
2022年2月24號,有好多位廣州隊嘅一線主力隊員考慮到一個禮拜前頒布嘅最高年薪話「唔夠使」嘅事,而開始搵下家球會[38]。重有球會教練組直接喺足校入面搵人,暫定喺3月初集結[39]。
2022年2月26號,雖然恆大集團唔想離開廣州隊,但係廣藥集團重未放棄接手廣州隊,可能要睇廣州市有關政府部門而定[40]。同日鄭智宣佈唔做主教練而走佬[41],隊內啲老薑都宣佈劈炮走人[42]。
2022年3月1號,好多前恆大球員都知廣州隊家下嘅欠薪情況,話有機會會諗辦法回報返球會[43]。
2022年3月10號,梅方本人宣佈退役,既唔喺廣州隊踢波,又唔爲國家隊效力[44]。
2022年3月14號,因球會持續欠薪,連球員張修維嘅生日典禮都冇人去慶祝嘅地步[45]。
2022年3月19號,球會考慮到唔夠錢交租畀大學城中心體育場,而將主場搬到花都體育場[46]。
随住廣州隊正式留喺2022賽季有份參加中超之後,2022年亞洲冠軍盃亦正式有份參加。由於考慮到球會出現大面積欠薪,加上中國大陸實行嚴格嘅「14+7」防疫政策,喺2022年亞洲冠軍盃期間,淨派咗二隊青年去參賽。不過喺第一輪踢完柔佛新山足球會嘅比賽之後,爆出直接炒咗關浩津嘅大事[47]。
2022年4月7號,張琳芃同蔣光太本人因同廣州隊簽約嘅合同期滿而宣佈同廣州隊解約,去到上海海港踢波[48]。
2022年4月22號,中國足協近日都冇討論到退返調節費畀廣州隊嘅事[49]。
2022年4月30號,隨住好多球員正式離隊同退役,廣州隊淨得返8位老隊員喺度踢波[50]。
受影響對象
編輯恆大足校
編輯受恆大集團爆發危機影響,足校喺2021年9月初爆出過「面臨停辦」嘅傳聞[6]。好彩係足校喺同年月18號恢復開學[7]。直到寒假期間,因恆大集團宣佈唔退出廣州足球會[32],期間開始向球會降薪,重話會使用足校入面啲人才嚟踢中超同亞冠[52]。
2022年2月19號,許家印召開廣州足球會嘅內部會議,嗌咗足校校長——王亞軍做廣州足球會嘅董事長[53]。
廣州恆大足球場
編輯喺2020年4月16號逳手起恆大足球場之後,初期一直平安無事,不過恆大集團爆發危機之後,爆出咗「要拆」嘅傳聞[54]。實際係工地一直喺度起緊,而廣州市城市建設投資集團喺同年9月28號接近收購屬下嘅足球場嚟繼續出錢起[55]。即係意味住恆大集團會退出廣州足壇。
攷
編輯- ↑ 〈恒大地产集团严正声明〉。恒大集团。2021-07-19。原先內容歸檔喺2021-07-20。喺2021-07-20搵到。
- ↑ 〈子公司資產被凍 恒大轟濫用程序 系內全線股價急挫 分析憂掀漣漪效應〉。《明報》。2021-07-20。原先內容歸檔喺2021-07-20。喺2021-07-20搵到。
- ↑ 〈廣發銀行申請凍結資產事宜妥善解決 恒大半日彈近一成、恒大汽車彈26%〉。《香港經濟日報》。2021-07-22。原先內容歸檔喺2021-07-22。喺2021-07-22搵到。
- ↑ 〈穷途末路!恒大暴跌72%,许家印有意解散俱乐部〉。网易。2021-08-21。
- ↑ 〈尴尬了!恒大欲出售广州队却无人愿意接手,球迷〉。网易。2021-08-28。原著喺2021-12-10歸檔。喺2021-12-10搵到。
- ↑ 6.0 6.1 〈一声叹息!曝恒大足校面临关停,"全球最大青训营"成笑谈〉。《弦音如梦》。搜狐。2021-09-09。原著喺2021-12-10歸檔。喺2021-12-10搵到。
- ↑ 7.0 7.1 〈恒大足校倒闭?官方回应:恒大足校各年龄段梯队已陆续返校〉。網易。2021-09-18。原著喺2021-12-10歸檔。喺2021-12-10搵到。
- ↑ 〈卡帅成今年中超第4位离任主帅 广州队遇危机解约成必然〉。《半岛晨报》。搜狐。2021-09-28。
- ↑ 〈许家印中秋致信:坚信恒大一定能尽快走出至暗时刻〉。《直播吧》。網易。2021-09-21。原著喺2021-12-10歸檔。喺2021-12-10搵到。
- ↑ 〈曝广州队求救得到积极回应 体育部门愿为其做好薪酬保障〉。《直播吧》。搜狐。2021-10-03。
- ↑ 〈曝沙特财团有意收购一支中超球队,广州队成为"最大热门"〉。原著喺2021年12月10號歸檔。喺2021年12月10號搵到。
- ↑ 12.0 12.1 "Hope failed!Saudi Arabia can't count on acquiring the Guangzhou team, the reporter broke the news that the team can't pay wages anymore". MINNEWS. 2021-12-10.
{{cite news}}
: CS1 maint: url-status (link) - ↑ 〈沙特财团收购广州恒大?足协、陈戌源不答应〉。網易。2021-10-22。原著喺2021-12-10歸檔。喺2021-12-10搵到。
- ↑ 〈中国归化球员高拉特与广州队解约 已返回巴西〉。《俄罗斯卫星通讯社》。2021-11-13。
- ↑ 〈东体:高拉特主动解约为广州队省下两个亿〉。《新浪》。2021-11-15。
- ↑ 〈重磅!曝广州队归化球员因欠薪 决定不参加第二阶段中超联赛〉。搜狐。2021-11-12。
- ↑ 〈广州队队员在郑智带领下集体训练 食堂已不再开放自己洗衣〉。《射门中国》。搜狐。2021-11-18。
- ↑ 〈足协终于出手了!承担广州队进入赛区的一切费用,赢得球迷点赞〉。《罗掌柜体育》。2021-11-20。
- ↑ 〈广州两队合并?广州城高层:意义不大可能性低于5成〉。新浪。2021-11-22。
- ↑ 〈新希望!体育局开始支持广州队:球队准备全力冲击中超冠军!〉。《中超球评》。搜狐。2021-12-07。
- ↑ 〈广州队管理层召集队员开会:欠薪一定会发 不发生退赛情况〉。《射门中国》。搜狐。2021-12-09。
- ↑ 〈有救了!广州足协将推动国企入主广州队,明年拿出5个亿资助球队〉。《海浪星体育》。搜狐。2021-12-09。
- ↑ 〈再见!广州队164场104球射手离开中国,大量球迷送行,他眼里含泪〉。《天外居》。搜狐。2021-12-12。
- ↑ 〈广药集团将有意再次结缘广州足球事业 但还没有具体举措〉。《射门中国》。搜狐。2021-12-27。
- ↑ 〈晚上17点!广州恒大传来喜讯,新金主浮出水面,500强企业或接手〉。《绿茵舞者》。腾讯。2021-12-27。
- ↑ 26.0 26.1 〈下午两点,许家印发布最新决定,不会甩卖广州队,保留八冠王火种〉。《夜南说体育》。搜狐。2022-01-03。原著喺2022-01-05歸檔。喺2022-01-05搵到。
- ↑ 〈爆!恒大集团不放手广州队〉。《小黄帝》。腾讯。2020-01-02。
- ↑ 〈告别广州恒大!国足前主力中后卫深情发文〉。《高端体坛》。腾讯。2022-01-07。
- ↑ 〈再见!恒大离队第2人浮出水面:本赛季2球5助,是当红的现役国脚〉。《体坛春秋》。腾讯网。2022-01-12。
- ↑ 30.0 30.1 〈证券日报:广药广汽欲联手入主广州队 分别接手50%股权〉。搜狐。2022-01-17。
- ↑ 〈上午9点!许家印将退位,世界500强接盘广州,冲亚冠,陈戌源拍手〉。《足球倒钩》。搜狐。2022-01-20。
- ↑ 32.0 32.1 〈幸运!中超又1支顶级豪门保住了:恒大确定不会放弃广州队!〉。《中超球评》。搜狐。2022-02-09。
- ↑ 〈广州队背后"大佬"恒大集团又有新决定,不想完全放开足球领域〉。《梁山好汉聊球》。搜狐。2022-02-09。
- ↑ 〈恒大最新限薪标准曝光!一线队核心60万年薪封顶,将掀起离队潮!〉。《罗掌柜体育》。搜狐。2022-02-16。
- ↑ 〈一线队起薪6万!困难中的广州队进入恒大足校时代〉。《罗克》。搜狐。2022-02-16。
- ↑ 〈曝广州女足因资金问题运营停滞 张琳艳被迫申请离队〉。《射门中国》。搜狐。2022-02-19。
- ↑ 〈起薪不及女工!广州女足退出女足锦标赛,当红球员张琳艳被迫离队〉。《足球怎么说》。搜狐。2022-02-21。
- ↑ 〈开张了! 广州恒大多名主力确定下家, 还会有更多人离开!〉。《娱乐大起底》。baizhan.net。2022-02-25。
- ↑ 〈记者:广州队暂定3月初集结,球队会回到番禺基地训练〉。《虎扑足球》。網易。2022-02-24。
- ↑ 〈广药并未放弃接手广州队念头 关键在于广州市有关部门的态度〉。《射门中国》。搜狐。2022-02-06。
- ↑ 〈广州队新消息!郑智不再任主帅,多名主力离开,球队一年投入千万〉。《杨意说球》。搜狐。2022-02-06。
- ↑ 〈为避免重蹈江苏苏宁悲剧!恒大狠心放大招:老将全解约+郑智下课〉。《平地一声雷》。腾讯。2022-02-06。
- ↑ 〈广州队很多老队员理解欠薪:有机会会想办法回报俱乐部〉。《射门中国|搜狐》。2022-03-02。
- ↑ 〈突发!梅方宣布退役:广州队3名元老退役,32岁因伤无奈告别〉。《188直播吧》。2022-03-10。
{{cite news}}
: CS1 maint: url-status (link) - ↑ 〈尴尬!张修维26岁生日无人问,名记曝广州队没与主力去留进行沟通〉。《优直播》。2022-03-14。
{{cite news}}
: CS1 maint: url-status (link) - ↑ 〈中超3消息!广州队更改主场,冯潇霆爱读书,广汽全面接手广州城〉。《球场新视角》。搜狐。2022-03-19。
- ↑ 〈广州队"顶级处罚"见怪不怪 关浩津是金元足球下的牺牲品〉。《咪咕篮球》。腾讯。2022-04-17。
- ↑ 〈权威媒体正式确认!广州队深足收坏消息,他们担心的事情发生了〉。《国足让我癫狂》。2022-04-07。
- ↑ 〈没想过退钱?沪媒爆料:足协近日没讨论过给广州队退还调节费!〉。《中超球评》。搜狐。2022-04-22。
- ↑ 〈保级有戏!广州队新赛季最强阵容曝光:上赛季8名主力留队!〉。《中超球评》。搜狐。2022-04-30。
- ↑ 〈媒体:郑智接下来有望担任大学老师,曾是广州队本土第1高薪!〉。《中超球评》。搜狐。2022-05-06。
- ↑ 〈恒大"官宣":把恒大足校打造成明星摇篮广州队要做好摇篮平台〉。網易。2022-02-16。
- ↑ 〈恒大足校校长王亚军兼任广州队董事长,将打通足校到俱乐部培养之路〉。新中产的移动资讯友伴。2022-02-19。
{{cite news}}
: CS1 maint: url-status (link) - ↑ 〈陷恒大風暴 老闆賣車工人斷炊.恐拆分清算收場〉。《TVBS新聞網》。YAHOO!!。2021-09-29。
- ↑ 〈港金融業嚴防內房風險〉。東網。2021-09-29。