廣東颱風警報

 廣東颱風警報粵拼gwong2 dung1 toi4 fung1 ging5 bou3 係廣東省突發氣象災害嘅其一預警信號,亦係廣東省氣象廳當發現有熱帶氣旋影響廣東嗰陣向市民發出嘅警告[1]

而家颱風警報分為白、藍、黃、橙、紅五種。喺珠海深圳茂名電白用嘅係地方性信號。喺沿海港口,一有熱帶氣旋影響時,都會掛到另一版嘅風球信號[2]

喺廣東地區,最早喺1994年6月4號出現颱風警報[3]。嗰時最先喺深圳珠海兩市用,但用嘅係清一色黑色品種[3]。而廣州喺1995年6月1號開始用[4],但嗰時用嘅係文字警告,而冇用到撈稿[4]。隨後無耐,隨住省氣象廳關注到颱風經常喺夏天侵襲廣東,所以開始喺廣東省地區陸續推廣用廣州嗰種颱風警報。自從1999年9月17號單颱風約克正面襲擊廣州而停課之後[5],因為嗰時成個廣州地區好少試過因惡劣天氣而停課嘅先例,所以有必要學香港噉搞制度,規定幼稚園、大中小學同其它院校分别喺出現邊種惡劣天氣情況下,應該要停課。

2000年11月1號,廣東省氣象廳開始實施咗第一版嘅颱風警報,用嘅係白、綠、黃、紅、黑五種。嗰時符號好簡單,就係「颱風符號+漢字」嘅組合[6],期間連深圳同珠海用咗6年半嘅簡單符號方案都統一埋[3],不過呢種方案直到2006年5月31號深夜正式廢除。從2006年6月1號開始,為咗同國際接軌,廣東省氣象廳開始實施咗第二版嘅颱風警報,用嘅係白、藍、黃、橙、紅五種[7]。同第一版相比,個撈稿變成長方形方框樣,其中左上角係淡灰色底帶颱風撈稿,右上角係颱風信號嘅中文字標識(綜藝體),下邊係指定颱風信號嘅對應英文單詞(全大寫嘅Arial Black字體),中、英文都係用空心字[7]。呢種方案直到2014年大除夕正式廢除。後嚟為咗同嗰時嘅國家標準接軌兼加強警報信號嘅發佈效果,令大眾易睇得出係乜警報,從2015年元旦開始,廣東省氣象廳開始實施咗第三版嘅颱風警報,雖然佢同第二版用嘅色一樣,個樣亦差唔多,但右上角字樣改成「台风」兩字,颱風信號嘅中文字標識移到左下角,右下角嘅英文亦統一改成「TYPHOON」字樣,字體亦冚唪唥改嗮用中國大陸街頭巷尾出現嘅黑體兼變成實心字[8]。喺深圳,雖然第三版颱風警報個樣同第二版幾乎一模一樣,但係字體改成用實心嘅黑體字,重喺下邊多咗個指定颱風信號色底帶「台风」兩字嘅符號[7][9]。喺茂名電白,當地重係繼續用緊第二版嘅颱風警報。

喺廣東是旦一個出海啲港口,有颱風時掛嘅警報信號同1994年6月4號到2000年10月31號喺深圳同珠海用過嘅版一模一樣[10]

現行信號

廣東大多數地區用緊嘅颱風警報如下:

撈稿 夜間燈號[11] 意義[12] 應變措施[13]
白色颱風警報       48個鐘內可能受颱風影響
  • 收睇有關媒體嘅報道,或通過氣象咨詢電話等氣象信息傳播渠道嚟留意最新嘅颱風消息。
  • 若果要出街,應記得有嗰颱風而家喺度接近你所在嘅城市,晏啲可能影響你嘅出街計劃。
藍色颱風警報       24個鐘內或者已經受颱風影響,平均風力6~7級或有7~8級大風,而且風勢可能持續。
  • 應該將門窗、圍板、棚架、臨時搭建物等易被吹冧嘅嘢縛緊。
  • 將易被吹走嘅嘢搬返入室內。
  • 留意有關媒體報道嘅進一步風暴消息同有關防颱風通知。
黃色颱風警報       24個鐘內或者已經受颱風影響,平均風力8~9級或有9~10級烈風,而且風勢可能持續。
  • 應該喺大風出現之前搞掂防風措施。
  • 幼稚園同托兒所停課。
  • 鎖實門窗,整實窗板同大閘。
  • 喺危險地帶同危房等崖广地方啲居民同船舶,應該到避風場所避風。
  • 喺危險地帶做嘢啲工作人員應該第一時間撤出。
  • 停止一切高空同水上等戶外作業活動。
  • 相關應急處置部門同搶先單位應該要加強值班,隨時留意災情最新進展同落實應對措施。
  • 必須要切斷霓虹燈招牌同埋掛喺崖广地方嘅室外電源。
橙色颱風警報       12個鐘內或者已經受颱風影響,平均風力10~11級或有11~12級暴風,而且風勢可能持續。
  • 中、小學同幼稚園、托兒所停課。
  • 海上作業人員馬上撤出到安全地帶避風。
  • 喺漁港停嘅大馬力漁船上嘅值班人員應該加強自我保護兼按有關規定操作。
  • 唔好出街,要確保喺室內最安全地方避風,遠離當風嘅門窗,以免俾碎片擊中而整親。
  • 停止室內大型集會同立即疏散人員
  • 加固港口設施,防止啲船走油同死火、撞第部船。
  • 若果喺戶外,應該搵個安全嘅地方避風,直至颱風過後為止。
紅色颱風警報       12個鐘內或者平均風力≥12級或有超過12級嘅颶風,而且風勢可能持續。
  • 颱風會正面襲擊本市,會有颱風眼經過。
  • 冚唪唥大、中、小學同幼稚園、托兒所等同教育有關嘅部門都停課。
  • 消防治安急救等相關應急處置部門同搶險單位行業之外,其它無關工種一律全停。
  • 人員應該盡量喺防風安全地方暫避。
  • 相關應急處置部門同搶險單位都隨時準備啟動搶險應急方案。
  • 當風眼經過嗰陣,風勢可能會突然降低或平靜一段時間,記住強風突然喺另一邊吹埋黎,本來被屏蔽嘅地區會變成食風。

不過亦有例外,喺廣州珠海深圳地區嘅表達含義同廣東其它地方唔同,喺茂名電白用嘅撈稿係第二版颱風警報信號。

廣州

廣州用緊嘅颱風警報方面,雖然圖標同廣東嘅品種一模一樣,但係有部份表達意義改咗[14]

撈稿 夜間燈號[11] 意義[14] 應變措施[13]
白色颱風警報       48個鐘內可能受颱風影響
  • 收睇有關媒體嘅報道,或通過氣象咨詢電話等氣象信息傳播渠道嚟留意最新嘅颱風消息。
  • 若果要出街,應記得有嗰颱風而家喺度接近你所在嘅城市,晏啲可能影響你嘅出街計劃。
藍色颱風警報       24個鐘內可能受颱風影響,平均風力超過6級(超過7級大風),而且風勢可能持續。
  • 應該將門窗、圍板、棚架、臨時搭建物等易被吹冧嘅嘢縛緊。
  • 將易被吹走嘅嘢搬返入室內。
  • 留意有關媒體報道嘅進一步風暴消息同有關防颱風通知。
黃色颱風警報       24個鐘內可能受颱風影響,平均風力超過8級(超過9級烈風),而且風勢可能持續。
  • 應該喺大風出現之前搞掂防風措施。
  • 幼稚園同托兒所停課。
  • 鎖實門窗,整實窗板同大閘。
  • 喺危險地帶同危房等崖广地方啲居民同船舶,應該到避風場所避風。
  • 喺危險地帶做嘢啲工作人員應該第一時間撤出。
  • 停止一切高空同水上等戶外作業活動。
  • 相關應急處置部門同搶先單位應該要加強值班,隨時留意災情最新進展同落實應對措施。
  • 喺戶外嘅霓虹燈招牌同埋掛喺崖广地方嘅室外電源,必須要切斷。
橙色颱風警報       12個鐘內可能受颱風影響,平均風力超過10級(超過11級暴風),而且風勢可能持續。
  • 中、小學同幼稚園、托兒所、中專院校停課。
  • 海上作業人員馬上撤出到安全地帶避風。
  • 喺漁港停嘅大馬力漁船上嘅值班人員應該加強自我保護兼按有關規定操作。
  • 唔好出街,要確保喺室內最安全地方避風,遠離當風嘅門窗,以免俾碎片擊中而整親。
  • 停止室內大型集會同立即疏散人員
  • 加固港口設施,防止啲船走油同死火、撞第部船。
  • 若果喺戶外,應該搵個安全嘅地方避風,直至颱風過後為止。
紅色颱風警報       可能或已經受到颱風影響,平均風力超過12級(颶風),而且風勢可能持續。
  • 颱風會正面襲擊本市,會有颱風眼經過。
  • 冚唪唥大、中、小學同幼稚園、托兒所等同教育有關嘅部門都停課。
  • 消防治安急救等相關應急處置部門同搶險單位行業之外,其它無關工種一律全停。
  • 人員應該盡量喺防風安全地方暫避。
  • 相關應急處置部門同搶險單位都隨時準備啟動搶險應急方案。
  • 當風眼經過嗰陣,風勢可能會突然降低或平靜一段時間,記住強風突然喺另一邊吹埋嚟,原先被屏蔽嘅地區會變成食風。

深圳

深圳地區用嘅颱風警報雖然同廣東品種差唔多,但信號樣同廣東全省通用嘅品種唔同[7][9]

撈稿 夜間燈號[11] 意義[7][9] 應變措施[13]
白色颱風警報       48個鐘內可能受颱風影響
  • 收睇有關媒體嘅報道,或通過氣象咨詢電話等氣象信息傳播渠道嚟留意最新嘅颱風消息。
  • 若果要出街,應記得有嗰颱風而家喺度接近你所在嘅城市,晏啲可能影響你嘅出街計劃。
藍色颱風警報       24個鐘內可能或已經受颱風影響,平均風力超過6級。
  • 應該將門窗、圍板、棚架、臨時搭建物等易俾吹冧嘅嘢縛緊。
  • 將易俾吹走嘅嘢搬返入室內。
  • 留意有關媒體報道嘅進一步風暴消息同有關防颱風通知。
黃色颱風警報       24個鐘內可能或已經受颱風影響,平均風力超過8級。
  • 應該喺大風出現之前搞掂防風措施。
  • 幼稚園同托兒所停課。
  • 鎖實門窗,整實窗板同大閘。
  • 喺危險地帶同危房等崖广地方啲居民同船舶,應該到避風場所避風。
  • 喺危險地帶做嘢啲工作人員應該第一時間撤出。
  • 停止一切高空同水上等戶外作業活動。
  • 相關應急處置部門同搶先單位應該要加強值班,隨時留意災情最新進展同落實應對措施。
  • 必須要切斷霓虹燈招牌同埋掛喺崖广地方嘅室外電源。
橙色颱風警報       12個鐘內可能或已經受颱風影響,平均風力超過10級。
  • 中、小學同幼稚園、托兒所停課。
  • 海上作業人員馬上撤出到安全地帶避風。
  • 喺漁港停嘅大馬力漁船上嘅值班人員應該加強自我保護兼按有關規定操作。
  • 唔好出街,要確保喺室內最安全地方避風,遠離當風嘅門窗,以免俾碎片擊中而整親。
  • 停止室內大型集會同立即疏散人員
  • 加固港口設施,防止啲船走油同死火、撞第部船。
  • 若果喺戶外,應該搵個安全嘅地方避風,直至颱風過後為止。
紅色颱風警報       6個鐘內可能或已經受到颱風影響,平均風力超過12級。
  • 颱風會正面襲擊本市,會有颱風眼經過。
  • 冚唪唥大、中、小學同幼稚園、托兒所等同教育有關嘅部門都停課。
  • 消防治安急救等相關應急處置部門同搶險單位行業之外,其它無關工種一律全停。
  • 人員應該盡量喺防風安全地方暫避。
  • 相關應急處置部門同搶險單位都隨時準備啟動搶險應急方案。
  • 當風眼經過嗰陣,風勢可能會突然降低或平靜一段時間,記住強風突然喺另一邊吹埋嚟,原先被屏蔽嘅地區會變成食風。

珠海

珠海用緊嘅颱風警報方面,雖然圖標同廣東嘅品種一模一樣,但係表達意義改咗[15]

撈稿 夜間燈號[11] 意義[15] 應變措施[15][13]
白色颱風警報      
  • 48個鐘內可能受颱風影響
  • 颱風就喺珠海嗰0.8Mm範圍內,重可能影響珠海。
  • 收睇有關媒體嘅報道,或通過氣象咨詢電話等氣象信息傳播渠道嚟留意最新嘅颱風消息。
  • 若果要出街,應記得有嗰颱風而家喺度接近你所在嘅城市,晏啲可能影響你嘅出街計劃。
藍色颱風警報
6級強風信號
      24個鐘內可能受颱風影響,平均風力超過6級,或有超過7級嘅大風,而且風勢可能持續。
  • 應該將門窗、圍板、棚架、臨時搭建物等易被吹冧嘅嘢縛緊。
  • 將易被吹走嘅嘢搬返入室內。
  • 留意有關媒體報道嘅進一步風暴消息同有關防颱風通知。
  • 船隻要做好就近避風準備
黃色颱風警報
8級大風信號
      24個鐘內可能受颱風影響,平均風力超過8級,或有超過9級嘅烈風,而且風勢可能持續。
  • 應該喺大風出現之前搞掂防風措施。
  • 幼稚園同托兒所、中小學、職業學校必須要停課。學校同托幼單位應該要指派專人負責保護到咗學校嘅學生同入园(托)嘅細路。
  • 喺危險地帶同危房等崖广地方啲居民同船舶,應該到避風場所避風。
  • 喺危險地帶做嘢啲工作人員應該第一時間撤出。
  • 停止一切高空同水上等戶外作業活動。
  • 相關應急處置部門同搶先單位應該要加強值班,隨時留意災情最新進展同落實應對措施。

市民盡量早啲返屋企,更加盡量避免喺室外逗留。

  • 喺戶外嘅霓虹燈招牌同埋掛喺崖广地方嘅室外電源,必須要切斷。
橙色颱風警報
10級狂風信號
      12個鐘內可能受颱風影響,平均風力超過10級,或有超過11級嘅暴風,而且風勢可能持續。
  • 中、小學同幼稚園、托兒所、職業學校同大專院校必須要停課。學校負責對已經到咗學校啲學生做安全保護。
  • 海上作業人員馬上撤出到安全地帶避風。
  • 喺漁港停嘅大馬力漁船上嘅值班人員應該加強自我保護兼按有關規定操作。
  • 市民應該要留喺安全場所避風,唔好出街。
  • 停止室內大型集會同立即疏散人員
  • 加固港口設施,防止啲船走油同死火、撞第部船。
  • 若果喺戶外,應該搵個安全嘅地方避風,直至颱風過後為止。
紅色颱風警報
12級颶風信號
      6個鐘內可能受颱風影響,平均風力超過12級(颶風),而且風勢可能持續。
  • 颱風會正面襲擊本市,會有颱風眼經過。
  • 冚唪唥同教育有關、涉及託管細路嘅相關部門同機構都停課、停托。
  • 消防治安急救等相關應急處置部門同搶險單位行業之外,其它無關工種一律全停。
  • 人員應該盡量喺防風安全地方暫避。
  • 相關應急處置部門同搶險單位都隨時準備啟動搶險應急方案。
  • 當風眼經過嗰陣,風勢可能會突然降低或平靜一段時間,記住強風突然喺另一邊吹埋嚟,原先被屏蔽嘅地區會變成食風。

茂名電白

茂名電白地區用嘅颱風警報雖然繼續用緊第二版嘅警報,但佢嘅意義都跟廣東全省通用嘅第三版品種。不過佢對全廣東省做廣播時,用嘅係第三版警報。

撈稿 夜間燈號[11] 意義[12] 應變措施[13]
白色颱風警報       48個鐘內可能受颱風影響
  • 收睇有關媒體嘅報道,或通過氣象咨詢電話等氣象信息傳播渠道嚟留意最新嘅颱風消息。
  • 若果要出街,應記得有嗰颱風而家喺度接近你所在嘅城市,晏啲可能影響你嘅出街計劃。
藍色颱風警報       24個鐘內或者已經受颱風影響,平均風力6~7級或有7~8級大風,而且風勢可能持續。
  • 應該將門窗、圍板、棚架、臨時搭建物等易被吹冧嘅嘢縛緊。
  • 將易被吹走嘅嘢搬返入室內。
  • 留意有關媒體報道嘅進一步風暴消息同有關防颱風通知。
黃色颱風警報       24個鐘內或者已經受颱風影響,平均風力8~9級或有9~10級烈風,而且風勢可能持續。
  • 應該喺大風出現之前搞掂防風措施。
  • 幼稚園同托兒所停課。
  • 鎖實門窗,整實窗板同大閘。
  • 喺危險地帶同危房等崖广地方啲居民同船舶,應該到避風場所避風。
  • 喺危險地帶做嘢啲工作人員應該第一時間撤出。
  • 停止一切高空同水上等戶外作業活動。
  • 相關應急處置部門同搶先單位應該要加強值班,隨時留意災情最新進展同落實應對措施。
  • 必須要切斷霓虹燈招牌同埋掛喺崖广地方嘅室外電源。
橙色颱風警報       12個鐘內或者已經受颱風影響,平均風力10~11級或有11~12級暴風,而且風勢可能持續。
  • 中、小學同幼稚園、托兒所停課。
  • 海上作業人員馬上撤出到安全地帶避風。
  • 喺漁港停嘅大馬力漁船上嘅值班人員應該加強自我保護兼按有關規定操作。
  • 唔好出街,要確保喺室內最安全地方避風,遠離當風嘅門窗,以免俾碎片擊中而整親。
  • 停止室內大型集會同立即疏散人員
  • 加固港口設施,防止啲船走油同死火、撞第部船。
  • 若果喺戶外,應該搵個安全嘅地方避風,直至颱風過後為止。
紅色颱風警報       12個鐘內或者平均風力≥12級或有超過12級嘅颶風,而且風勢可能持續。
  • 颱風會正面襲擊本市,會有颱風眼經過。
  • 冚唪唥大、中、小學同幼稚園、托兒所等同教育有關嘅部門都停課。
  • 消防治安急救等相關應急處置部門同搶險單位行業之外,其它無關工種一律全停。
  • 人員應該盡量喺防風安全地方暫避。
  • 相關應急處置部門同搶險單位都隨時準備啟動搶險應急方案。
  • 當風眼經過嗰陣,風勢可能會突然降低或平靜一段時間,記住強風突然喺另一邊吹埋嚟,原先被屏蔽嘅地區會變成食風。

舊警報

廣東雖然早期凈得廣州、深圳同珠海三個城市先至有颱風警報,但三個城市都唔統一,直到2000年11月1號先至全省統一符號。

1994~2000

廣州

廣州喺1995年6月1號到2000年10月31號間用過嘅颱風警報[4]

第個解釋 意義
防風消息 熱帶風暴或颱風消息 颱風已經喺南海形成或喺南海範圍內出現,陣間可能影響廣東沿海地區。
防風警報 熱帶風暴同颱風警報 颱風入咗南海,路線向緊珠江口範圍移動。如無變化,可能喺48個鐘內登陸。
防風特級警報 熱帶風暴或颱風緊急警報 颱風喺24個鐘內吹埋嚟珠江口,或喺珠江口150km範圍內嘅沿海地區登陸,對廣州有嚴重影響。
解除警報 熱帶風暴或颱風解除警報 颱風已經登陸或减弱成低氣壓。

嗰時主要通過屏幕下邊啲跑馬字幕出現,未喺屏幕左上或右上角出現任何形式嘅颱風警報撈稿。

深圳、珠海

深圳同珠海兩地喺1994年6月4號到2000年10月31號間用過嘅颱風警報[3]

撈稿 夜間燈號 意義
1號風球
颱風注意信號
    喺珠海或深圳嗰0.8Mm範圍內有颱風移到埋嚟或形成,重可能喺48個鐘內影響珠海或深圳。
2號風球
強風信號
 [16]   喺珠海或深圳嗰0.3~0.5Mm範圍內有颱風移到埋嚟或形成,喺24個鐘內影響珠海或深圳,有6~7級大風。
3號風球
大風信號
    喺珠海或深圳嗰0.3~0.5Mm範圍內有颱風移到埋嚟或形成,喺12個鐘內影響珠海或深圳,有超過8級嘅大風。
4號風球
大風增強信號
 [17]   颱風將會嚴重影響珠海或深圳,平均風力超過8級,重會吹超過11級陣風。
5號風球
颶風信號
    颱風將會喺珠海或深圳範圍內或周邊登陸,平均風力超過10級,重會吹超過12級陣風。
解除信號   颱風登咗陸兼減弱,或半佬轉咗向,唔再對珠海或深圳造成威脅。

嗰時個撈稿喺屏幕右上角出現。

2000~2005

全廣東地區喺2000年11月1號到2006年5月31號統一用過嘅警報[6][18]

撈稿 意義
白色颱風警報   喺48個鐘內可能受颱風影響
綠色颱風警報   喺24個鐘內可能受颱風影響,平均風力達強風程度,風速達到41~62km/h。
黃色颱風警報   喺12個鐘內可能受颱風影響,平均風力達烈風程度,風速達到63~87km/h。
紅色颱風警報   喺12個鐘內可能受颱風影響,平均風力達暴風程度,風速達到88~117km/h。
黑色颱風警報   喺12個鐘內可能受颱風影響,平均風力達颶風程度。

2005~2015

全廣東地區喺2006年6月1號到2014年12月31號統一用過嘅警報[8]

撈稿 意義
白色颱風警報
戒備信號
  48個鐘內可能受颱風影響
藍色颱風警報   24個鐘內可能受颱風影響,平均風力6~7級或有7~8級大風,而且風勢可能持續。
黃色颱風警報   24個鐘內可能受颱風影響,平均風力8~9級或有9~10級烈風,而且風勢可能持續。
橙色颱風警報   12個鐘內可能受颱風影響,平均風力10~11級或有11~12級暴風,而且風勢可能持續。
紅色颱風警報   6個鐘內可能受颱風影響,平均風力>12級或有>12級嘅颶風,而且風勢可能持續。

  1. "广东省人民政府令第105号 广东省突发气象灾害预警信号发布规定". 广州市气象局. 原著喺2016-04-19歸檔. 喺2017-08-14搵到.
  2. 廣州市氣象台风球信号说明
  3. 3.0 3.1 3.2 3.3 深圳经济特区防洪防风规定
  4. 4.0 4.1 4.2 广州市防风工作方案
  5. (繁體中文)「約克襲粵奪九命 穗風災停課學生打機樂」,蘋果日報,1999年9月18日A22版兩岸社會
  6. 6.0 6.1 广东省台风、暴雨、寒冷预警信号发布规定
  7. 7.0 7.1 7.2 7.3 7.4 "台风预警信号 - 深圳市气象局". szmb.gov.cn. 原著喺2010-08-24歸檔.
  8. 8.0 8.1 "存档副本". 原著喺2014-12-31歸檔. 喺2014-12-31搵到.
  9. 9.0 9.1 9.2 "深圳市台风暴雨灾害公众防御指引(试行)". szmb.gov.cn. 原著喺2015-02-16歸檔.
  10.   YouTube上面嘅_rCNkpGzGqY&t劇集
  11. 11.0 11.1 11.2 11.3 11.4 广东台风风球信号升挂标准表 广东省气象台
  12. 12.0 12.1 台风预警信号 互聯網檔案館歸檔,歸檔日期2017年9月7號,. 广东省人民政府应急管理办公室
  13. 13.0 13.1 13.2 13.3 13.4 预警信号防御指引 广东省气象台 互聯網檔案館歸檔,歸檔日期2018-09-17.
  14. 14.0 14.1 "广州天气". www.tqyb.com.cn (中文). 喺2017-05-24搵到.
  15. 15.0 15.1 15.2 "珠海市防御气象灾害规定". 珠海市气象局 (中文). 2018-08-22. 喺2018-09-17搵到.
  16.   YouTube上面嘅nJNqimtkqiQ劇集
  17.   YouTube上面嘅8jqzSljGLgY劇集
  18. "见强台风信号学校应自行停课". 南方都市報. 新浪. 2003-09-04.