開主選單

張朝林粵拼zoeng1 ciu4 lam4簡化字张朝林1967年5月21號2016年8月12號)係法國嘅一位華僑生意人浙江温州人。2004年移居法國巴黎

2016年8月7號晚黑(UTC+1),張朝林同佢兩位老友去奧比維利耶法文Aubervilliers一間酒家參加同學聚會,去到Rue des ecoles時突然俾3位北非裔後生仔扑咗天靈蓋兼打荷包,連兩位老友都唔例外。事發後,三個人一齊被送到醫院搶救;中國駐法國大使館第一時間同法國有關部門交涉,重派相關人員到醫院做探望同慰問。但係第二日,張朝林因為嚴重腦震蕩而被宣告腦死亡,12號晚黑證實不治,終年49歲。而兩位老友住咗院幾日後出院。

後續

張朝林死咗一個禮拜之後,幾千位住喺法國嘅華人去到巴黎搞集會遊行,悼念張朝林,重要求法國政府改善地方治安同埋嚴厲打擊搶劫犯罪行為。