律政中心

律政中心（英文：Justice Place），即係前中區政府合署（Former Central Government Offices），響香港中環，係以前香港政府總部。佢最初英文Government Offices，中文叫大兵頭寫字樓。個署家下有三座，中座，東座同埋西座。三棟都係1957年重起政府合署時所立。

律政中心中座前景

現時政府合署係香港多個決策部門嘅寫字樓，主要官員都喺呢度做嘢，包括行政會議，政務司，財政司等等。一眾立法會議員都有設寫字樓喺呢度。隨住政府總部搬去添馬艦，建築群重新修復做律政司嘅辦公場所，另外部分西座樓面將用做國際法律、仲裁及調解等非政府組織嘅辦公室，並於2015年7月起改名叫做「律政中心」。

地理

政府合署分佈響政府山上，三座西北到東南排成一字長形。西南有下亞厘畢道，無幾遠係港督府同美國領事館，東南有花園道，東北有聖約翰座堂同終審法院，以及炮台里。而西座西北角接雪廠街。