「悟空」跳轉到呢度。想搵颱風，請睇「
颱風悟空」。
孫悟空，又叫美猴王、齊天大聖、孫行者、馬騮精。佢係《西遊記》嘅主角之一，亦都係中國人家傳戶曉嘅故事人物。
馬騮精孫悟空
故仔講一隻喺花果山吸咗日月精華喺石頭爆出嚟嘅馬騮，孫悟空生性反斗，四圍去玩，有時重搞搞震，練得一身好武功，俾玉皇大帝招咗去做弼馬溫（打理啲馬嘅官），之後偷蟠桃食，大鬧天宮，練成金睛火眼，最後俾如來佛祖捉實，壓喺五行山之下 500 年咁耐，俾唐三藏救咗，拜佢做師父，幫佢去取西經。最後俾如來佛祖封做鬥戰勝佛。
- 筋斗雲
- 七十二變
- 火眼金睛
- 長生不老之術
- 金剛不壞之身
