愛上一個不回家的人 (歌)
《愛上一個不回家的人》係香港歌手林憶蓮喺1990年12月27號由飛碟唱片發行嘅《愛上一個不回家的人》專輯入面第一隻主打國語歌。由丁曉雯填詞，陳志遠作曲同編曲，陳秀男監製。
| 愛上一個不回家的人 | |
|---|---|
| 林憶蓮嘅歌 | |
| 收錄喺專輯《愛上一個不回家的人》 | |
| 發行日期 | 1990年12月27號 |
| 類 | 華語流行曲 |
| 時長 | 5:03 |
| 唱片公司 | 飛碟唱片 |
| 填詞 | 丁曉雯 |
| 作曲 | 陳志遠 |
| 編曲 | 陳志遠 |
| 監製 | 陳秀男 |
簡介 編輯
《愛上一個不回家的人》對林憶蓮有好重要嘅意義，因為呢隻係林憶蓮第一隻成名嘅國語歌，仲係90年代KTV嘅熱門點唱金曲[1]。喺呢隻歌成型之前，飛碟唱片就決定以闡述都會女性嘅愛情做《愛上一個不回家的人》專輯嘅方向，而錄完大部分新寫落嚟嘅歌後，製作團隊就發覺仲差一隻主打歌未喺專輯度出現[1]。後嚟監製陳秀男就拎咗一隻陳志遠已經寫好咗嘅旋律，因為監製想隻主打歌有香港嘅都市特質嘅同時，都要可以畀臺灣歌迷接受得到[2]。而呢隻歌原名係叫《不回家的人》，之後就請丁曉雯嚟填詞。而丁曉雯係因朋友嘅經歷而寫落嘅心情隨筆，而歌詞就講緊喺感情入面游移不定嘅主角，成日喺來去之間，對無怨無悔付出嘅另一邊造成傷害[1]。填曬詞之後，陳大力就建議用副歌嘅歌詞「愛上一個不回家的人」做歌名，之後呢隻歌仲掀起華語樂壇用好長嘅歌名做策劃風氣。
獎 編輯
| 日期 | 頒獎典禮 | 獎項 | 結果 |
|---|---|---|---|
| 1991年 | 中國上海唱片公司 | 最暢銷獎（50萬張） | 獲獎 |
| 1992年1月19號 | 無線電視《1991年度十大勁歌金曲頒獎典禮》 | 最受歡迎國語歌曲金獎 | 獲獎 |
| 1994年2月2號 | 香港電台《第14屆十大中文金曲頒獎禮》[3] | 十大中文金曲獎 | 獲獎 |
| 優秀國語歌曲獎 | 獲獎 |
翻唱 編輯
參考 編輯
- ↑ 1.0 1.1 1.2 〈林憶蓮的名曲〈愛上一個不回家的人〉，就此開創了國語歌壇「長歌名」的風潮〉. 關鍵評論. 2015-11-23. 喺2020-11-23搵到.
- ↑ 〈十位乐评人追忆大师经典 一人一首"陈志远"〉. 網易娛樂. 2011-03-18. 喺2020-11-23搵到.
- ↑ 〈十大中文金曲： 第14屆十大中文金曲頒獎禮音樂會 2〉. 香港電台. 喺2020-11-23搵到.
- ↑ 〈葉蒨文《愛上一個不回家的人》〉. Vimeo. 2015-11-11. 喺2020-11-23搵到.
- ↑ 〈《歌手》彭佳慧逆战回归 不惧风险致敬偶像林忆莲〉. 新浪娛樂. 2017-03-13. 喺2020-11-23搵到.