指標執著(英文:metric fixation)係一種响 2010 年代後期開始有人提起嘅現象,吸引咗唔少管理工作者關注[1][2]。
指標執著個基本諗頭如下:
- 有學者指,管理者往往會想用某啲指標衡量「自己組織係咪順利噉達到緊目的」呢樣嘢-
- 例如有間企業要行套新嘅營銷策略,就用「行咗新策略以嚟,多咗幾多新客」做指標衡量套新策略有幾成功。
- 學者一般覺得「有明確嘅衡量指標」呢點無可厚非,但佢哋又發現,有唔少管理者會變到好執著於「個指標要達到理想數值」,同時又忽略咗第啲重要嘢-
- 例如想像間企業一味淨係掛住引新客,大幅改嗮自己產品啲賣點,搞到好多舊客唔開心,而喪失舊客造成嘅損失,仲大過爭到新客帶嚟嘅新利潤,最後搞到整體利潤跌咗。