掠奪型研討會

掠奪型研討會（參見英文：predatory conference），又或者叫騙局研討會，係指一啲以學術交流為名，實際上冇咩學術價值嘅假「研討會」。呢種研討會通常會大量 sen1 電郵請人投稿，甚至無需審查就接受論文，學者同學生諗住佢哋係正規嘅研討會，而且可以輕易出到文，於是就投稿。一去到研討會參加者就會發現研討會質素低，報告內容隨便，甚至研討會地點臨時更改。由於研討會投稿通常會收錢，搞騙局研討會嘅人就可以靠呢種手段嚟呃人錢。