敘事衝突（英文：narrative conflict）係指一個故仔入面主角要面對嘅最大難關，係故仔不可或缺嘅一部份。
唔同角色之間喺目的上嘅矛盾會引致佢哋之間產生衝突，而呢啲衝突往往係成個故仔最引人入勝嗰部份。有啲敘事學同文學方面嘅學者仲主張，人睇故仔基本上就係為咗「睇衝突」[1]。
例：校長鄧不利多想要保護霍格華茲魔法學校以及學校嘅學生（鄧不利多嘅目的），而呢點令佢同願意為咗得到力量而傷害學生嘅佛地魔（佛地魔嘅目的）作對，於是兩人之間就起衝突，衝突令佢哋（例如）打交，而戰鬥往往係一個故仔最好睇嘅部份（吸引讀者嘅衝突）。
