本能寺之變係1582年6月21號喺日本京都本能寺，明智光秀向織田信長發動叛變嘅事件。
1582年，織田信長開始支援羽柴秀吉對中國地方嘅征伐，喺夜宿京都嘅本能寺嗰陣，遇到前往支援羽柴秀吉作戰嘅部將明智光秀突襲，抵抗咗一陣間之後失蹤埋，一般相信死喺寺入面（當時本能寺已被大火燒咗），當年49歲，終佢一生霸業，而大仔織田信忠逃到附近嘅二條御所抵抗明智大軍，最後亦打唔贏，兩父子各個唔同地方放火自殺。
呢件事分裂咗織田家嘅勢力、死咗好多織田政權嘅核心人物，織田信長佢兩個仔織田信雄同織田信孝一來都唔啱，為咗呢件事爭繼承權。羽柴秀吉靠呢件事討伐明智光秀之後開始佢豐臣政權嘅霸業。
