朱婷1994年11月29號—)係中華人民共和國女子排球員,司職主攻位,河南鄲城縣出世。2013年正式入選郎平執教嘅中國國家女子排球隊,家下係隊入面主力主攻手,著2號波衫。喺2016-17賽季效力土耳其球隊瓦基弗銀行女排俱樂部(Vakinfbank)。

朱婷曾多次代表國家青年同少年女子排球隊參加世界性頂級比賽獲得佳績。係國青隊同國少主力隊員,曾奪得2013年U20女排錦標賽嘅最有價值球員。

佢喺2016年夏季奧林匹克運動會奪得金牌,並當選奧運會女排最有價值球員(MVP),朱婷係繼郎平同馮坤之後,奧運史上第三位中國女排MVP嘅得主。

朱婷被視為係中國女排主攻線上嘅未來之星,係國家女排絕對主力。2013年,朱婷再度入選國家青年女排,同時首次入選新一屆中國國家女排大名單,受到郎平嘅賞識。憑借身高同埋彈跳優勢,佢嘅進攻點可以好高、力量亦夠。朱婷嘅心理素質亦比較出色,前後排都能夠進攻。佢連奪多個重要賽事嘅MVP及最佳主攻等殊榮,已被肯定為世界排壇球星之一。

出面網頁 編輯

  • "FIVB Volleyball World Grand Prix 2013".