松葉蟹Chionoecetes opilio),日文正式漢字名係「楚蟹」,係種食得嘅,腳細長,肉多汁彈牙,喺北太平洋同西北大西洋都有,但以日本最出名。

松葉蟹

楚蟹喺日本有好多唔同嘅叫法,松葉蟹係其中之一,仲有越前蟹香箱蟹等等。各種叫法係代表唔同嘅產地同性別,包括:

  • 狹義上嘅松葉蟹係指喺京都府島根縣一帶,面向日本海嘅漁港上岸嘅雄性楚蟹,亦係產量相對比較多嘅品種。
  • 越前蟹係指喺福井縣越前海岸漁港上岸嘅雄性楚蟹,產量比較少,政府限住漁民喺每年11月頭到3月頭捉。明治時代更做過日本天皇嘅貢品。
  • 香箱蟹係指喺北陸地方一帶捕獲嘅雌性楚蟹。傳統上日本人食呢種蟹會拆蟹膏、蟹肉放上蟹蓋食,砌到好似寶箱噉,所以叫「香箱蟹」。
  • 津居山蟹係指喺兵庫縣捕獲嘅楚蟹。
  • 加能蟹係指喺石川縣捕獲嘅楚蟹。

不過多數講粵語嘅人,都統稱呢啲品種嘅蟹做松葉蟹。