媽祖

媽祖原名林默娘，係一神祇，沿海唐人信仰，水上人都叫佢亞媽，庇祐出海順利，可以視為海神。信仰遍及廣東、福建、香港、澳門、臺灣、南洋沿海唐人。潮州人叫佢聖媽。大明時封為天妃、大清時封為天后，故香港多數叫天后。

媽祖像

媽祖信仰出自福建莆田，大宋時已經有拜祭，順住福建人由海道傳出去，沿岸立廟。大明鄭和下西洋，都有拜媽祖，媽祖亦廣傳南洋，因而皇帝亦封媽祖為天妃。

神像法相容貌端莊，頭戴鳳冠，身着紅衣。

神明

林默娘，相傳北宋初年降生，降生喺福建莆田。出世嗰時有祥光異香，直到滿月，都未喊過一聲，因而叫默娘。十三歲嗰時遇到方士授學，十六歲就能觀井得符，學成之後能知未來，起病扶衰。傳說默娘周不時元神出竅，拯救海上遇險人。某日，亞爸亞哥出海遇險，默娘只能救番佢阿哥，阿爸就沉咗落海，世人就稱佢孝女。二十八歲飛昇之後，時常喺海上救人。

香港

香港地方拜媽祖，水上人主要去大廟灣大廟，尤其係赤灣天后廟。