楊耀忠

楊耀忠，BBS，JP（英文：Yeung Yiu-chung，1951年 11月7號—），係香港建制陣營（傳統親中派）政治人物同教育界人物，第九至第十二屆港區全國人大代表，臨時立法會同香港立法會第一至第二屆議員，民主建港協進聯盟成員，香港教育工作者聯會（教聯會）前任會長，天水圍香島中學榮休校長，天水圍香島中學校監。

生平編輯

楊耀忠1976年喺香港中文大學政治與行政學畢業。

作為香港親北京教育社團教聯會嘅阿頭，楊耀忠幾次代表該會同香港教育專業人員協會（教協）歷任會長司徒華同張文光競逐前立法局嘅教育界功能界別議席都輸。香港主權移交後，屬泛民主派嘅張文光「落車」，楊耀忠繼承臨時立法會教育界功能界別議席。其後喺第1同第2屆香港立法會選舉循選舉委員會界別入立法會。第2屆香港區議會選舉，楊耀忠喺美孚選區輸畀民主黨候選人、香港商業電台前高級監製王德全。2004年，佢唔再尋求連任立法會議員。

喺清拆皇后碼頭事件（中文：保留皇后碼頭事件）度，楊耀忠等人為咗令政府拆卸天星碼頭而將該碼頭評為三級文物，佢更明言皇后碼頭價值唔大，結果古物諮詢委員會決議將皇后碼頭評為一級文物。

楊耀忠由1996年起喺香島中學各間分校做過教學同行政工作。1996年9月，楊耀忠出任香島中學校長；2001年轉任天水圍香島中學創校校長；2011年接任將軍澳香島中學校監。喺香島中學做咗19年校長之後，楊耀忠喺2015年退下天水圍香島中學校長一職，轉任天水圍香島中學校監。