亞洲國際博覽館

(由機場博覽館跳轉過嚟)

亞洲國際博覽館(英文:AsiaWorld-ExpoAWE,簡稱亞博館)係香港其中一個重要嘅展覽會議場地,喺香港赤鱲角香港國際機場。亞洲國際博覽館大概用咗23.5億港元去起,喺2003年,為咗發展亞洲國際博覽館,香港特區政府、機管局就同國際展覽中心投資有限公司一齊成立咗香港國際展覽中心有限公司,香港特區政府就係主要股東。喺2005年12月21號由香港特別行政區行政長官曾蔭權主持開幕儀式。

亞洲國際博覽館東面入口
亞洲國際博覽館西面入口

2018年9月24日,香港機場管理局宣佈收購國際展覽中心投資有限公司持有嘅權益同股權,同埋亞洲國際博覽館管理有限公司嘅擁有權。亞洲國際博覽館由香港特區政府同香港機場管理局共同擁有,香港機場管理局附屬公司亞洲國際博覽館管理有限公司就負責營運管理。

亞博館係一個達到咗世界級嘅展覽同活動場地,可以搞展覽、會議、演唱會、體育同各類文娛嘅活動。2012年,喺《CEI Asia magazine》榮膺亞洲三甲,係香港首次有兩座場館(另一座為香港會議展覽中心)一齊躋身三甲之列,成績超越其他城市。

特色

File:HK AsiaWorld -Expo floor plan.jpg
亞洲國際博覽館平面圖
  • 全部展館都係以無柱式設計嚟興建
  • 可租用面積超過70,000平方米,10個展館都喺地面、樓底高10至19米
  • 亞洲國際博覽館1號展館AsiaWorld-Arena,有10,880平方米,係全港最大嘅室內多用途場館,可以容納14,000個人
  • 亞洲國際博覽館2號展館AsiaWorld-Summit,有10,100平方米,係全港最大嘅室內會議同宴會廳場地,間隔靈活,可以因應唔同用途作出靈活組合,係香港而家唯一可以同場搞會議、筵席同展覽嘅大型禮堂
  • 由2005年開始,博覽館搞過唔少嘅國際大型會議同展覽,當中包括有「國際電信聯盟2006世界電信展」、「環球資源系列採購交易會」、「亞洲國際航空展覽會暨論壇」、「第四十七屆東南亞獅子大會」同「中外貨代物流企業洽談會」

展覽同活動設施

亞洲國際博覽館係香港唯一場館可以舉行細至小型會議到大至過萬與會人士參加嘅大型活動。2號展館AsiaWorld-Summit同11號展館Runway 11可以容納500至5,000人,而喺二樓嘅會議及宴會中心就配備7 間100至690平方米可彈性組合嘅會議室,提供嶄新嘅設施同靈活嘅場地設計,滿足各類型唔同規模嘅會議。AsiaWorld-Summit係全港最大嘅室內多用途場館,佔地8,200平方米,採用無柱式設計同全地毯覆蓋,係香港現時唯一可以同場舉行會議、筵席同展覽嘅大型禮堂,可以同時款待5,000名賓客。而Runway 11佔地4,400平方米,同樣採用無柱式設計及全地毯覆蓋,可以舉行招待500至3,800名賓客嘅主題活動。

  • 負重量高嘅地面、樓頂結構同設施,可以應付最嚴格嘅要求
  • 同香港最大嘅電訊商–電訊盈科合作喺館入面提供最先進嘅新世代資訊及通訊科技服務
  • 覆蓋室內100%同保安嚴密嘅寬頻
  • 免費無線上網服務(WiFi)
  • 頂尖視像會議服務
  • 提供即時全球或全場轉播服務
  • 2個專屬電話機樓
  • 3,000個以太網端口

後勤支援設施

  • 全部場館都喺地面,方便參展商、活動主辦機構同承建商出入
  • 環繞場館起有雙線輔助道路,每個場館外都有大量卸貨區
  • 有貨車等候區,方便貨車喺設置同拆除攤位期間停泊
  • 場館外有充足嘅貨車起落位
  • 寬闊嘅出入口

大型會議、展覽及活動

  • 2006年至今——環球資源春季/秋季展覧系列
  • 2010年11月9日至29日——「智慧的長河:電子動態版《清明上河圖》」
  • 2012年至今——亞洲國際果蔬展覽會
  • 2013年至今——浪琴表香港馬術大師賽
  • 2014年3月3至7日——第一屆香港國際鑽石、寶石及珍珠展
  • 2014年4月2至4日——中國國際新能源汽車展覽會
  • 2014年5月16至18日——第一屆香港國際汽車展覽會嘉年華
  • 2014年5月20至21日——亞太國際郵政博覽會
  • 2014年6月25至28日——香港珠寶鐘表工業科技及用品展
  • 2016年7月至8月——荔園Super Summer、Formula E
  • 2017年3月14至16日——LINC Asia-Pacific 2017
  • 2018年6月27至29日——一帶一路國際食品展(BRIFE)
  • 2018年11月9日——第24屆華鼎獎
  • 2019年7月26至8月25日——《清明上河圖3.0》數碼藝術香港展
  • 2019年12月18至2020年1月12日——百老匯音樂劇《獅子王》

亞洲國際博覽館 AsiaWorld-Arena

  • 係全港最大嘅世界級室內多用途活動場地
  • 高標準嘅建築規格同配套,足以應付最嚴格嘅國際水準要求
  • 容納到14,000個觀眾
  • 19米特高樓底
  • 先進嘅升降裝置
  • 靈活嘅座位組合
  • 場館設計經專家評核,音質符合國際標準
  • 設備完善嘅後台同化粧間設施
  • 貴賓廂房

交通配套

 
東大堂

呢座現代化設施附近嘅香港國際機場有完善嘅海陸空運輸網絡,交通四通八達,同珠江三角洲一帶嘅城市同全球商業都會連接起嚟。

  • 遊客可以喺5個鐘飛行距離內接觸全球一半人口
  • 同香港國際機場結合,裏面重有港鐵站
  • 掌握地理嘅優勢,連接發展蓬勃嘅珠江三角洲同澳門一帶城市
  • 遊客可以搭機場快綫同接駁港鐵網絡去香港各區

附近嘅世界級娛樂同休閒景點

亞洲國際博覽館有世界級旅遊景點喺附近,當中包括有香港迪士尼樂園天壇大佛昂坪360

酒店住宿

亞洲國際博覽館拍住多間星級酒店,為商旅客人提供國際水準嘅客房服務。喺大概1分鐘距離內,遊客可到附近嘅香港天際萬豪酒店同埋香港富豪機場酒店;而10分鐘車程內有超過 5,000 間酒店房間供應(包埋即將喺2020年開張嘅4間新酒店),例如諾富特東薈城酒店。另外,喺博覽館30分鐘車程範圍內更加有10,000間客房畀客人揀。

出面網頁