武漢肺炎伊朗疫情

武漢肺炎伊朗疫情係介紹武漢肺炎喺伊朗嘅爆發情形。截至2020年9月23號，伊朗累計有425,481單確診病例，死咗24,478個人。

唔同地區確診嘅病例（截至2020年4月7號）

  1－9單

  10－99單

  100－499單

  500－999單

  1,000－9,999單

情況

伊朗喺2020年2月19號出現第一單武漢肺炎個案。受到當地嘅醫療條件太差嘅影響，無耐即刻出現死亡病例。據調查，死咗嗰兩位都喺古姆大區發生，喺在生期間冇去過中國大陸或接觸過中國大陸公民。第二日又喺同一地方出現三單感染個案。初期爆發好輕微，不過一個禮拜之後，感染個案成直線上升趨勢。兩日過重襲擊埋總統府，連副總統——瑪蘇梅‧埃卜特卡爾同保守派政治人莫捷塔巴·佐努爾都唔例外，重殺死咗一位政壇官員。期間有14個省宣佈學校閂檔同停止一切文娛活動，連集會同部份人流密集場所嘅餐飲業務亦停止，連當地舉辦嘅足球超級、甲、乙、丙級聯賽、ISL籃球聯賽都停止。期間喺近住土耳其、巴基斯坦同阿富汗邊境都宣佈封關，唔畀伊朗公民出入。

踏入三月單純過咗48個鐘頭，感染個案持續唔停上升，總感染數好快過咗500大關，其中總統府有位官員——穆罕默德·米爾穆罕默迪成爲武漢肺炎死者之一。一日後，感染個案破千，死亡個案達到兩位數。有廿三位伊斯蘭議會成員都感染武漢肺炎；當日有超過54000位坐緊監啲囚犯都要臨時釋放。由於國內嘅醫療條件太差，單純成個三月上旬，感染個案直線上升到超過8000單，連便利法院審判官員——穆罕默德薩迪爾、古姆政要官員阿卡巴德漢、伊斯蘭革命盾組織政治部長——法哈德·塔扎里亦都成爲武漢肺炎嘅死者。由於當地差唔多穆斯林新年，受到疫情影響，伊朗政府喺3月9號宣佈取消慶祝活動。由於政府對於呢單疫情已經無能為力，加上德黑蘭成日立立亂兼俾美國政府制裁，令好難進口醫療物資嚟對抗疫情。一個禮拜後，由於案例上升到14991單，死亡個案亦上升到853單，重多咗9位政壇官員因疫情死咗。當日美國政府相繼出台針對伊朗嘅制裁而犯眾憎。

2020年3月17號，感染個案上升到16169單，死亡個案亦上升到988單。喺沙里夫大學發佈咗同武漢肺炎有關嘅學術論文，話伊朗會好似《感染列島》噉出現大面積感染個案同死亡案例。若果唔出禁令，估計成個國家會有超過四百萬單個案同3,500,000單死亡個案。受到疫情影響，當地嘅跳火節都取消咗。期間重釋放咗85000位囚犯嚟避開疫情。截至21號晚黑為止，由於感染個案突破二萬大關，死亡個案亦破千（當中重包括一位政壇官員死咗）。喺德黑蘭，當地最出名嘅商場——Iran Mall亦停業兼轉型成方艙醫院嚟救治大量出現嘅武漢肺炎患者直到同月28號開張。連衛生部副部長阿里利扎都話家下國家搞緊動員計劃調查國內啲民眾做疫情排查工作。

兩日後，確診個案去到23049單，死亡個案去到1812單。伊朗奧委會向國際奧委會呼籲要將原定喺日本東京舉辦嘅奧運會推遲舉辦。喺總統府，最高領袖其中一個親家奶奶都成為武漢肺炎嘅死者。呢單疫情重向傳媒界插手，喺伊斯蘭共和國對外廣播電台，有廿位成員都感染咗武漢肺炎；而法爾斯通訊社編委會成員——阿卜杜拉·扎維耶（عبدالله زاويه‎）重成為武漢肺炎嘅死者之一。

2020年3月24號，確診個案去到24811單，死亡個案去到1934單。伊斯蘭革命衛隊總司令話喺第二日搞生物防禦演習同全面消毒運動。期間重考慮到德黑蘭國際會展中心要學中國湖北武漢嘅雷神山噉改造成方艙醫院。當日國內夾埋有43位喺抗疫一線嘅醫護人員感染武漢肺炎死咗。

兩日後，確診個案去到29406單，死亡個案去到2234單。喺美伊外交重出現大量拗數，連伊朗外交部長扎里夫話美國政府完全係「搞搞震冇幫襯」、「仇恨代表」、「經濟恐怖主義」，「濫殺無辜」同埋「無恥」、「肥仔個頭大過五層樓」嘅言論。又兩日後，案例重突破埋三萬大關，去到35408單；死亡個案去到2517單。

2020年3月30號，總確診個案突破四萬大關，去到41495單；死亡個案去到2757單。喺體育界，曾經幫過伊朗隊攞過奧運史上第一嚿田徑獎牌嘅鐵餅員——伊山·哈達迪都成爲武漢肺炎患者。呢個亦係伊朗體育代表成立有史以嚟，第一位感染武漢肺炎嘅運動員。同日喺國家南邊重爆發咗震驚成個伊朗社會嘅監獄騷亂，結果有100000人釋放咗。嚟到伊朗國慶嗰日，總統宣佈實施緊嘅社交疏離計劃重要繼續延長。重有人權組織話嗰日喺古澤斯坦省阿華士嘅監倉有兩位囚犯俾當地啲獄警開槍射殺。

踏入4月第一日，確診個案去到47593單；死亡個案突破三千大關，去到3036單。有聯合國官員呼籲解除對伊朗嘅制裁。連國家電信運營商——伊朗電信都要鼓勵國內民眾少啲出街，嘚喺屋企入面。當日重有德國同英國啲醫療團隊無視美國制裁，去到伊朗嚟對抗疫情。不過喺以色列，總理內塔尼亞胡將2007年播嘅電影《流感殺人》嚟講成伊朗當地隱瞞武漢肺炎疫情嘅證據咁大烏龍陣仗嘅事；當日德黑蘭省道路城市發展負責人——禮薩·尼加班都成為武漢肺炎嘅死者之一。第二日，確診個案打破五萬大關，去到50468單；死亡個案去到3160單。當日連外政部長阿里都變成武漢肺炎患者。由於疫情嚴重，有政府爲咗大力宣傳防疫，重化粧兼扮成死神嘅恐怖妝容嚟搞宣傳。到4月6號，感染案例打破六萬大關，死亡個案重繼續上升到3739單。期間喺法爾斯省史拉子，宗教聖地——光明王之墓喺4月5號被臨時攞嚟做口罩生產工廠。

2020年4月7號，確診個案去到62589單，死亡個案去到3872單。伊斯蘭共和國軍隊宣佈國家軍隊日嘅閱兵儀式都要取消。

表

武漢肺炎伊朗疫情

日期	多咗確診人數	夾埋確診人數	夾埋疑似人數	多咗死人數	夾埋死人數	多咗好返人數	夾埋好返人數	攷
2020-02-19	2	2		2	2
2020-02-20	3	5		0	2
2020-02-21	13	18		2	4
2020-02-22	10	28		2	6
2020-02-23	14	43		2	8
2020-02-24	18	61		4	12
2020-02-25	34	95	900	4	16		24
2020-02-26	44	139		3	19	-	-
2020-02-27	106	245		7	26	-	-
2020-02-28	143	388		8	34	49	73
2020-02-29	205	593		9	43	50	123
2020-03-01	385	978		11	54	52	175
2020-03-02	523	1501		12	66	116	291
2020-03-03	835	2336		11	77	144	435
2020-03-04	586	2922		15	92	117	552
2020-03-05	591	3513		15	107	187	739
2020-03-06	1234	4747		17	124	174	913
注:

武漢肺炎伊朗病例     死       好返       病例
日期			病例數
2020-02-19		​ ​ ​ ​	2 (-)
2020-02-20		​ ​ ​ ​	5 (+150%)
2020-02-21		​ ​ ​ ​	18 (+260%)
2020-02-22		​ ​ ​ ​	29 (+61%)
2020-02-23		​ ​ ​ ​	43 (+48%)
2020-02-24		​ ​ ​ ​	64 (+49%)
2020-02-25		​ ​ ​ ​	95 (+48%)
2020-02-26		​ ​ ​ ​	139 (+46%)
2020-02-27		​ ​ ​ ​	245 (+76%)
2020-02-28		​ ​ ​ ​	388 (+58%)
2020-02-29		​ ​ ​ ​	593 (+53%)
2020-03-01		​ ​ ​ ​	978 (+65%)
2020-03-02		​ ​ ​ ​	1,501 (+53%)
2020-03-03		​ ​ ​ ​	2,336 (+56%)
2020-03-04		​ ​ ​ ​	2,922 (+25%)
2020-03-05		​ ​ ​ ​	3,513 (+20%)
2020-03-06		​ ​ ​ ​	4,747 (+35%)

註同攷

註

攷