喺學術上,民粹主義係指實行社會佔大多數嘅平民所擁護嘅政治經濟制度嘅理念,反對由少數精英分子話嗮事——大致同精英主義對立;仔細噉睇,種類繁多,理論無數,可左可右,或褒或貶,同民主相容或排斥都有可能。喺一般論述中,「民粹主義」往往係貶義詞,經常意指獨裁;想表示係客觀看待或者欣賞呢種理念嘅話,可以揀被視為中性術語嘅平民主義大眾主義等翻譯。

語文

俄文

中文

創作「民粹」呢個名嘅人,以其作褒義詞,帶住「人民精粹」嘅字面意思;沙俄有班從政者嘅中文稱呼係「民粹派」。然而「民粹」喺依家多數唔係用嚟讚美;「民粹」可能喺中共翻譯蘇聯俄文著作時變得貶義——列寧於其中嚴厲批評上述群體。乃至今時今日,啲人講「民粹主義」時,大概都係用於數落,亦週不時會將同佢一字之差嘅「納粹主義」,以及「愚民政策」扯上關係。現時要表達平民作主而做啱決定時,所提到嘅往往係另外一個概念——「民主」。伊家被稱之為「民主」者,曾經興叫做「平民主義」;當時「民粹派」被揀中為翻譯嘅原因之一,係要避免撞名。[1][2][3]

英文

對應「民粹主義」嘅係populism,此詞由「popular」變化而嚟,似乎靠暱稱「Populist Party」之美國政黨「People's Party」變得常用。「popular」本身係讚美用詞,解「大眾化」、「受歡迎」同「流行」等,不過現時英語傳媒往往以「populism」形容民主制度被玩弄或運作得唔妥嘅狀態。[4][5][6]

政治

經濟

文獻