水仙花
(由水仙跳轉過嚟)
「水仙」跳轉到呢度。想搵同名嘅茶，請睇「水仙茶」。水仙花（粵拼：seoi2 sin1 faa1；學名：Narcissus tazetta）係石蒜科水仙屬嘅長年生草本植物，原產中國福建省漳州市，而家喺全球各地都搵到。佢既喺中國內地有超過千年嘅栽培史，又有「寒冬仙女」之稱，重係「中國十大名花」之一。
 | ||||||||||||||
|---|---|---|---|---|---|---|---|---|---|---|---|---|---|---|
 | ||||||||||||||
| 物種分類 | ||||||||||||||
| ||||||||||||||
| Narcissus tazetta L. | ||||||||||||||
|
樣
編輯根係須根系，由梗盤下邊生，一般乳白色嘅肉質品種，圓柱兼無側根，但質地脆兼易斷，斷後冇得生返鱗梗波。鱗梗波睇品種而定，但大多數係圓形。葉係闊嘅線形，扁平，長20~40cm，闊8~15mm，粉綠色嘅掘頭兼全緣品種。花莖幾乎同葉等長；花梗灰綠，被管好幼，幾乎係三棱形，花梗長短有唔同，但梗頂有短尖頭；花屬傘形花序，有4~8朵花，其中副花冠係淡黃色嘅淺杯品種，長年冇皺，主花白，帶有好清涼嘅芳香；花瓣多數6嚿，尾位鵝黃；花芯有隻似碗噉嘅保護罩。一般喺每年春天開花。果係細蒴果，由子房發育而成，熟咗之後從背後開裂，但中國嘅水仙品種唔結果。
適應環境
編輯植株啱喺暖而濕兼排水良好嘅地方生。
用途
編輯水仙可以用嚟做花卉，由於佢有好清涼嘅花香，所以一般家庭攞嚟做盆景花卉。但係佢啲花、梗同葉有毒，唔食得。
種植
編輯水仙花要種2~3年先識開花，但街邊賣嘅水仙鱗梗波，丼去種之後第一年就開花。花嘅數量主要睇鱗梗波嘅嘥士，一般嘥士同花嘅數量成正比。所以喺屋養水仙，必須要揀靚波：
- 波大頂粗、扁而闊、矮而肥、梗盤基部闊厚而突出。
- 用手搣個波。實淨係花芽，鬆軟係葉。
- 揀好梗波後一定要清走鱗莖嘅泥、乾鬚根、啡外皮同病鱗。
- 丼入水度養
另外，水仙開花期可以適當控制。如要求春節開花，一定要提早一個月用水養，溫度最低1～4℃，重要日日換水。
分類
編輯水仙按品種可以份直仙、八字水仙、蟹爪水仙同觀根水仙。
- 直仙：直接丼入水度養
- 八字水仙：鱗梗波經過簡易雕刻
- 蟹爪水仙：鱗梗波經過精細雕刻
- 觀根水仙：用玻璃樽水養，生咗好多白淨嘅根系。
文化
編輯有關嘅書
編輯- 中国少年儿童百科全书 自然·环境 第421页 浙江教育出版社 ISBN 7-5338-1946-2/G·1942
- 云南西双版纳野生种子植物 第418页 北京科学出版社 ISBN 978-7-03-036919-2
連出去
編輯
- 漳州水仙花网
- 水仙 Narcissus tazetta L. var. chinensis Roem. 中国植物志
- 水仙 护花网
- 水仙历史 医学教育网
- 水仙 Shuixian 藥用植物圖像資料庫 (香港浸會大學中醫藥學院) （中文）（英文）
- 昆明植物研究所。〈水仙〉。《《中国高等植物数据库全库》》。中国科学院微生物研究所。喺2009-02-21搵到。