沙頭角公路

沙頭角公路係香港早期起嘅公路，連接北區嘅粉嶺同埋沙頭角，屬南北走向，起點喺粉嶺新運路，終點喺沙頭角順隆街，全長約莫10.5公里，共分為四段（龍躍頭段、馬尾下段、禾坑段、石涌凹段），由馬會道至坪輋路一段係雙程四線分隔車道（係路政署喺1995年至1999年擴建），其餘路段係雙程雙線道路。沙頭角公路大部分路段限速為每個鐘頭50公里，但係禾坑段限速就達每個鐘頭70公里。

沙頭角公路石涌凹段

沙頭角公路龍躍頭段南面起點

沙頭角公路係繼青山公路同埋大埔公路後，香港政府起嘅第三條主要公路，喺1927年正式通車。呢條路嘅通車，間接令當時嘅九廣鐵路沙頭角支線（全長11.67公里，1912年4月通車）喺一年之後嘅1928年停辦咗。

沙頭角公路曾經係香港車返中國大陸嘅重要通道，但係隨住落馬洲口岸落成，沙頭角口岸嘅重要性已經日漸下降。

出面網頁

• 香港地方 | 道路及鐵路 | 香港公路(三)沙頭角公路（繁體中文）