浪澄灣（英文：The Long Beach）係香港西九龍海邊一組八幢私人豪宅，總共有1,829個單位，地址係海輝道8號。起樓嘅係恆隆地產，2006年起完，2007年至2008年公開賣，冇樓花賣。
隔籬重有五星級會所浪澄會同埋浪澄灣廣場，嗰度有香港教育學院持續專業教育部嘅課室同圖書館。
浪澄灣經海輝道行人天橋行去維港灣，約莫兩分鐘；奧海城一期，約莫六分鐘；行去奧海城二期嘅商場，約莫要十分鐘（先到奧海城一期，經奧運站E出口之天橋到奧運站，再由D出口到二期）。已經有穿梭巴士畀住客去奧海城一期。
喺浪澄灣嘅香港教育學院分部。
浪澄灣第八座外觀。
喺維港灣行去浪澄灣嘅海輝道行人天橋
圖中係浪澄灣向海嘅一個公眾碼頭同海濱公園，背景係浪澄灣隔籬嘅凱帆軒三幢，再遠啲係昂船洲政府船塢。
