彩虹站第三條路軌傳說

彩虹站第三條路軌傳說,係指位於港鐵彩虹站,中間第三條路軌被保留、荒廢,甚至話可以直通鬼門關嘅傳說。

傳說內容 編輯

1980年代,彩虹站首次通車時曾經出現意外。平日只需要四分鐘嘅路程,但下一站職員遲遲未見列車埋站,開出後嘅列車更加失去聯絡。一個站之間,系統失靈,只係傳出詭異嘅沙沙聲。之後列車終於到站,但車長就臉無血色,唔肯講發生乜事。車上所有人受驚過度送院,之後更有傳有工作人員離奇死亡。之後,就開始傳出路軌通往鬼門關嘅傳聞,當時有人更指地鐵曾請經道士到彩虹站調查,最後為咗安撫人心,地鐵決定多開一條路軌,自此以後地鐵就沒再用嗰條路軌[1][2][3]

關於傳說真確性 編輯

地鐵曾經解釋,被指鬧鬼嘅中間月台路軌,其實係通往九龍灣車廠。港鐵亦曾經喺2016年10月上載喺車頭拍攝嘅片段,展示列車其實只是通往九龍灣車廠[3]。亦有另一個講法,話係70年代政府本來計劃再擴展東九龍線,由鑽石山至上環,不過由於最後計劃被擱置,所以多出來嘅第三條路軌而家只係用作調配列車,而唔係接載乘客[1]。YouTuber Professor PowPow中文Professor PowPow亦曾經查證,指出中間路軌係用嚟配合九龍灣車廠,路軌到依家都偶然會被使用[4][5]

參考來源 編輯

  1. 1.0 1.1 新假期 (2022-01-18). 港都市傳說|彩虹站可直達鬼門關?第三條路軌之謎 多個恐怖傳聞 車長曾進入後失聯+嚇到面無血色|玩樂熱話 | 熱話. (美國英文). 喺2022-05-01搵到.
  2. am730. 節2021|原來曾經有屈地站?!重溫5個經典地鐵鬧鬼都市傳說. am730 (中文). 喺2022-05-01搵到.
  3. 3.0 3.1 %20港鐵拆解彩虹站傳聞 MTR 都市傳說 港鐵拆解彩虹站傳聞 - 香港經濟日報 - TOPick - 休閒消費. topick.hket.com. 喺2022-05-01搵到.
  4. 高街花子 (2017-11-05). 鐵猛鬼虹地鐵站連接鬼門關? 中間路軌點解冇列車行. 港01 (香港中文). 喺2022-05-01搵到.
  5. 市傳說真相往鬼門關的死亡路軌|PowPow (英文), 喺2022-05-01搵到