澳洲中國和平統一促進會

澳洲中國和平統一促進會（Australian Council for the Promotion of Peaceful Reunification of China, ACPPRC）係一個由澳洲華人喺2000年7月建立，支持中共嘅組織，宗旨係推動中澳關係，同埋反對台灣獨立。

政治立場

佢哋嘅立場係親中共，同中國駐澳洲嘅領事館有密切關係，亦反對台灣獨立。查爾斯斯特大學（Charles Sturt University）學者克萊夫·漢密爾頓（Clive Hamilton）嘅研究亦指出，呢個組織係中國以外，最活躍嘅親北京組織之一，代表中國共產黨喺澳洲進行政治活動。而澳洲戰略政策研究所（China Strategic Policy Institute）中國問題專家Alex Joske亦指，呢個組織係同中國共產黨有聯繫嘅影響力中心。

另外，喺北京未經香港人同意強行通過《香港國安法》同埋修改香港選舉制度大幅度削減直選議席嘅問題上（呢兩樣嘢引起泛民主派一致負評），佢哋亦對北京表示高度支持。

事件

中共滲透澳洲政壇事件

喺2019-2020年，有一啲澳洲嘅政治人物被揭露同中共喺澳洲嘅組織，有著唔同形式嘅聯繫。例如，例如工黨前參議員鄧森（Sam Dastyari），就曾經被揭發同呢個組織有一定關係，亦因為咁黯然下台。而悉尼市政府市議員郭耀文，就喺2020年披露自己為澳洲中國和平統一促進會提供諮詢，但就形容自己嘅參與係嚴格受限同榮譽性質。

睇埋

• 黃向墨－呢個組織其中一個被澳洲傳媒廣泛報導過嘅領導人物，喺2019年澳洲因為國家安全理由唔再畀佢入境澳洲。