澳門培正中學
澳門培正中學（英文：Pui Ching Middle School；葡文：Escola Secundária Pui Ching）係澳門一間以母語授課嘅中文中學。原本係廣州培正中學喺澳門開設嘅分校。
| 澳門培正中學 | |
|---|---|
| 地址 | |
 澳門高士德大馬路7號 | |
| 明細 | |
| 類 | 私立學校 |
| 校訓 | 至善至正 |
| 宗教聯繫 | 基督教浸禮宗 |
| 成立 | 1889年 |
| 校區 | 望德堂區 |
| 校監 | 羅永祥 |
| 校長 | 余家俊 |
| 教師人數 | 約240人 |
| 級 | 中小幼共15級 |
| 學生人數 | 約4.000人 |
| 教學語言 | 中文、英文 |
| 區 | 約7,500平方公尺 |
| 校色 | 紅色、 藍色 |
| 電話 | +853 2852 9333 |
| 傳真 | +853 2833 9056 |
| 網站 | www.puiching.edu.mo |
1938年，因為抗日戰爭嘅關係，廣州培正全體師生遷校到澳門，等培正唔使因為戰亂而停辦，呢個又被視為澳門培正嘅開始。
歷史 編輯
早期 編輯
1889年，李濟良、馮景謙、廖德山、李賢士同楊海峰等人為實現興辦新學，籌劃興辦華人基督教學校。融入基督教教義，並按照《聖經》十誡，免學童入塾跪拜偶像。學校取名「培正書院」，意義取「培植教會子弟，免送俗塾，有失正虞也。」創校頭30年，多次因財政困乏差啲停辦。
1907年，培正喺廣州東山買地起校舍，為長遠辦學作出計劃。直至1915年，學校陷入嚴重財困。張立才同張新基發起「培正維持會」，楊海峰曾經講：「寧我儕先培正而死，勿令培正死於我儕之手。」
近代 編輯
1918年，培正舊生黃啟明接任校長，並受校董會命令於創校30週年期間前往國外籌款十五萬，以作培正未來發展之用。
九一八事變後，日軍屢犯中國國境，培正員生負起抗日救國職志，組織宣傳隊宣揚愛國思想。
1938年1月，學校由廣州遷址至澳門，以保培正教育事業。戰火期間，喺澳門、鶴山、坪石、桂林、湖南同江西都有培正員生上堂，保持教學質素。培正員生喺外面更投入抗戰工作，包括繼續組織宣傳隊傳播愛國思想、向難童提供免費學額嚟幫佢哋學業等、發起「每人每日一仙捐款運動」、「節衣運動」及「募集寒衣運動」。
1939年，黃啟明校長喺香港過身。
1945年8月，抗戰勝利，培正隨即進行復員工作，澳門員生分批返返廣州。幾個月之間，廣州同香港兩地校舍之後回收。
澳門方面，繼續以分校形式留設小學，由趙璧蘭（黃啟明校長遺孀）出掌主任。
1947年，澳校重設初中。
1949年，為慶祝成立十周年紀念，特新建教室四間。
現代 編輯
1950年，喺澳門嘅「私立廣州培正中學澳門分校」正式正名為「澳門培正中學」，李炎玲出任校長。
1953年，李炎玲校長調職，傅漁冰接任校長，並喺同年開辦高中。
1962年，傅漁冰校長離職，林湛繼任校長。林湛校長在任期間，因澳門受經濟衰退同社會動盪不安嘅時局影響，師生合力喺困難中謀求發展，嚟穩定校務。同年，澳校率先改中學五年制，由中一開始實施，並喺1967年秋開辦中六（大學預科）課程。林湛校長籌建「七十五周年紀念堂」，喺1972年啟用。
1974年，林湛校長榮休，鄺秉仁接任校長，並提出三大辦學方針，嚟配合學校發展需要。包括：
- 「提高教學質量」：為首要任務，課程設置參照港澳兩地，按實際需要制訂施行。
- 「改善學習環境」：先後籌建D座課室大樓、興建「創校九十周年紀念培正大樓」同E座教學大樓「創校九十五周年紀念堂」。
- 「保持嚴謹校風」：重視同學嘅品德教育，以基督教信仰為基礎，服務社會為目標，要求學生德、智、體、群、靈五育並重，嚟發揚校風傳統。
1976年，鄺秉仁校長獲澳督委任為第一屆立法會議員，喺1980年連任，喺1981年獲葡國總統頒授公共教育文職功績司令級勳章，嚟表彰佢對澳門教育嘅貢獻。
1985年，鄺秉仁校長榮休，康顯揚接任校長，秉持澳門培正辦校三大方針，並喺原有嘅基礎上繼續發展。
1995年，康顯揚校長榮休，李祥立接任校長，並喺培正百年輝煌嘅基礎上，銳意提高母校師生嘅學術水平，支持教師專業發展，出版《培正學報》；鼓勵師生合作，開展各科嘅研究型課程，並提倡利用資訊科技輔助教學，建立各科嘅網上學習平台。
當代 編輯
2003年，澳校以「繼續開來，與時並進」嘅理念，訂定「發展優質教育，創建美好校園」發展計劃。
2006年，李祥立校長榮休，高錦輝接任校長。
2012年，開始起FABLAB創新科教館，並開始有設計科學課程。
2015年夏，C座教學大樓進行外牆瓷磚翻新工程，由啡色改成黃色。
現況 編輯
規模 編輯
澳門培正包括幼稚園、小學及中學部，全校學生人數超過三千二百人，教職員逾二百四十位。
學制上，幼稚園實施三年制、小學六年制同初、高中各三年制。澳門培正係一間文法中學，實行母語教學。
畢業生以升學為主，每年有95%以上考入國內外同澳門等地嘅大專院校深造。
幼稚園至中學各級設有信、望、愛、善、正五班，其中高中嘅信、望係理組班，愛、善係文商組班，正係文理組班。
培正秉承「至善至正」嘅校訓，堅持「德智體群美靈，六育均衡發展」嘅教育目標，積極貫徹「提高教學質量，改善學習環境，保持嚴謹校風」嘅辦學方針。
校址位於高士德大馬路，佔地七千五百平方公尺。
環境及硬件設施 編輯
校園中央矗立有A座行政大樓，原本係盧家住所，古色古香，建築別具風格，俾中國政府列為建築及文化遺產。先後興建嘅五棟教學大樓，每層走廊設有花槽，綠化同美化校園。
校園內設置有各種設施，供教學同活動嘅用途，包括：
|
操場
B座
D座
E座
|
H座
|
中小幼各班課室設有投影機、電腦、無線Wifi盒等，方便教學。
目前，澳門培正根據「創建美好校園」發展計劃，積極更新教學硬體設備，已經完成E座教學大樓嘅翻新工程，B座重建工程亦已經竣工同命名為「創校115周年紀念大樓」。自2007年起，喺原來小食部同F座嘅位置興建十層高嘅H座，喺2009年落成使用並命名為「創校120周年紀念大樓」。
社團及組織 編輯
|
文藝類
|
體育類
其他
|
級社 編輯
成立級社係培正嘅傳統，每一個畢業班年級都喺小五年級成立級社，社名由穗、港、澳三地嘅培正學生投票決定，社旗由港澳學生以習作方式輪流設計。設立級社嘅目的係要薪火相傳，並聯繫畢業後嘅舊生，令大家聚首一堂。
|
|
|
|
|
（年份按照香港培正中學畢業生嘅畢業年份） 管理架構 編輯
學校標識 編輯校色 編輯校色分為紅色同藍色，學生俾人稱為「紅藍兒女」，而學校嘅優良傳統俾舊生稱為「紅藍精神」。
校訓—至善至正 編輯有中西文化合璧嘅意味。 基督教意義：
校徽 編輯校歌 編輯荷蘭（原英國）作曲家Henry Litolff作咗一首《Concerto Symphonique No.3》，其中第四樂章Furioso開始由急促鋼琴同管弦樂競美下，引出管弦樂奏出雄壯培正校歌嘅旋律，隨後鋼琴用變奏方式將呢個旋律發揮落去，全長約七分半鐘。作者從英國監獄逃咗出來，得到荷蘭庇護，所以就感激咁將荷蘭國歌嵌入呢段樂段，算係目前史上能獲得有關校歌完整旋律嘅唯一音樂。 呢首國歌係1815年嘅得獎作品，作為紀念1781年英荷北海海戰，原名《Wien Neerlands bloed door d'adeeren vloeit》，作者係定居阿姆斯特丹嘅Johann Wilhelm Wilm，後來被選為荷蘭國歌，而家已經廢咗。 目前三地學校一般只唱誦第二版校歌嘅第一段，用廣州話唱。 歌詞：
校旗歌 編輯喺培正同學進行如聚會、比賽等活動時作激勵士氣嘅用途，相當於啦啦隊歌。 歌詞：
校園風貌 編輯歷任校長 編輯
（只列出喺澳校從廣州分校獨立經營後上任嘅培正校長） 舊生 編輯
出面網頁 編輯 |
||||||||||||||||||||||||||||||||||||||||||||