澳門藝術節（葡文：Festival de Artes de Macau，英文：Macau Arts Festival；簡稱藝術節，FAM）係澳門每年一年一度嘅藝術盛事，由澳門文化局主辦。
第一屆澳門藝術節喺1988年開始，主權移交前由澳門文化司署同澳門市政廳主辦。依家由澳門文化局主辦。
澳門藝術節喺2020年因武漢肺炎影響，將嗰屆所有活動取消。
每一屆藝術節都會有大概一個月嘅時間做表演期，而每一屆嘅時期都唔同。澳門主權移交前通常喺3月舉行；但主權移交後，每屆藝術節通常喺3月至5月進行。
