暗

暗，唔光嘅狀況，亦叫冥。暗本來就講夜晚，講好似夜晚咁光唔夠。而冥就為上下冚住，無光嘅狀況。

人眼本來夜視唔係咁好，無乜光下，會無晒色。再暗啲就完全睇唔到，所有嘢都黑鼆鼆。廣東話而言，亦有講「黑咪嗎」。有啲夜行動物，視覺感光好過人好多，甚至勁得滯，唔可以日間睇嘢，佢哋睇嘢自然無咁暗。

地球而言，日沉到地平綫十八度之下，日光就會消失，西洋叫佢全暗，唐字叫夜嘅含義。由於入夜之後，人不善於暗嘅狀況，夜行會有危險，有恐懼之心，亦有相關比喻。

夜有月光時會無咁暗，但喺朔嗰陣，就完全無光，會好暗。日食月食亦會突然間變暗。古人見日食，尤其得人驚。

日間較見暗，就為烏雲密佈之時，日光完全畀雲遮擋，天地間頓時昏暗。

政治唔好嘅嘢，不為人知嘅，叫黑暗，借用咗黑同暗來表示。

文

英文寫做dark，化成名詞則為darkness。

日文暗寫為闇。

黑暗，政治同宗教用語，借用黑同暗來講惡。但亦實際講啲不為人知，或者唔太清楚，唔喺人所見嘅嘢身上。

政治由於好多唔見得光嘅操作，所以就叫黑暗。社會亦同樣有好多不為人知嘅惡，亦同樣叫黑暗。

宗教具有二元特色，通常有光明同黑暗對立。好似拜火教、明教之類，光明戰勝黑暗。基督教雖然為一神教，但亦有魔鬼依啲黑暗角色，以彰顯神嘅光明。

日本電子遊戲，經常以光明同黑暗做題材，如魔界為之黑暗。但通常講成暗黑。同樣為小說、漫畫、卡通片同電影嘅題材。

西洋史有所謂黑暗時期，指羅馬帝國沒落，歐洲轉入蠻人之手。相對於羅馬帝國嘅光輝時期，文明就墮落咗咁，直到文藝復興。但查實亦無咁黑暗，歐洲亦一直有進步。

明暗對比。構圖以暗為主。

美術經常用明暗對比。暗色有深沉嘅感覺，用來營造氣氛。