理型論lei5 jing4 leon6（英文：theory of forms / theory of ideas）係一個被認為由柏拉圖諗出嚟嘅哲學理論，指現實世界只係某啲抽象諗頭（理型）嘅體現，例如理型論認為喺一個抽象世界入面會有一個「貓」嘅理型（一隻理想嘅貓），而現實世界當中嘅貓只係呢個「貓」嘅理型嘅唔完美體現。
一般嚟講，理型論喺廿一世紀經已唔俾人接受係真確。
